रोजगार देहे के मामला म छत्तीसगढ़ देश म अव्वल
छत्तीसगढ़ म सितंबर म बेरोजगारी दर सिरिफ 0.1 फीसदी
देश म 6.43 फीसदी रहिस बेरोजगारी के आंकड़ा
राज्य के नीति मन के सेती मिलीस बड़का उपलब्धि
रायपुर, छत्तीसगढ़ राज्य के 99.90 फीसद मनखे कोनो न कोनो रोजगार ले जुड़के आजीविका हासिल करत हें। सेंटर फॉर मॉनिटरिंग इंडियन इकोनॉमी (सीएमआईई) कोति ले जारी ताजा आंकड़ा ले ये साबित होय हे। छत्तीसगढ़ राज्य म सितंबर म बेरोजगारी दर अब तक अपन सबले कम स्तर 0.1 प्रतिशत म हे। देश म सबले कम बेरोजगारी दर के मामला म छत्तीसगढ़ थिलिंग म हे।
बीते दिन मन म सेंटर फॉर मॉनिटरिंग इंडियन इकोनॉमी (सीएमआईई) कोति ले जारी ताजा आंकड़ा के मुताबिक सितमबर महिना म छत्तीसगढ़ म बेरोजगारी दर 0.1 फीसदी दर्ज करे गीस, जबकि सितंबर महिना म देश म बेरोजगारी दर के ये आंकड़ा 6.43 फीसदी रहि। देश के शहरी क्षेत्र मन म 7.70 फीसदी अऊ ग्रामीण क्षेत्र मन म सितंबर महिना म बेरोजगारी के आंकड़ा 5.84 फीसद रहिस। सबसे कम बेरोजगारी दर के मामला म छत्तीसगढ़ राज्य ल मिले ये उपलब्धि के पीछू मुख्यमंत्री श्री भूपेश बघेल के नेतृत्व म रोजगार के नवा अवसर मन के सृजन बर बनाय गए योजना अऊ नीति मन हे। छत्तीसगढ़ म बीते पौने चार साल के भीतर बहुत अकन अइसन नवाचार होए हे, जेकर से शहर ले लेके गांव तक हर हाथ ल काम मिले हे।
