डोंगरगढ़ मा माँ बम्लेश्वरी देवी के दर्शन बर अवइया भक्त मन बर बने खबर हे। भारत सरकार के ‘प्रसाद’ योजना के तहत मंदिर परिसर के विकास के काम अब पूरा होगे हे, जेमा श्रीयंत्र के आकार मा एक बड़े पर्यटक केंद्र घलो बनाय गे हे।
राजनांदगांव, पर्यटन मंत्रालय भारत सरकार के ‘प्रसाद’ (PRASHAD) योजना के तहत माँ बम्लेश्वरी देवी मंदिर डोंगरगढ़ के विकास परियोजना बर छत्तीसगढ़ पर्यटन विभाग ला 48 करोड़ 43 लाख रूपिया के मंजूरी मिले रहिस। ए परियोजना के काम अब पूरा होगे हे। ए योजना के तहत माँ बम्लेश्वरी पहाड़ी के सीढ़ी मन के मरम्मत, सीढ़ी मा छाँव बर शेड, रेलिंग, पिए के पानी, शौचालय, बिजली-बत्ती अउ पहाड़ी के नीचे तालाब के सौंदर्यीकरण करे हे। संग मा दुकान, पार्किंग अउ पूरा इलाका मा सूचना बोर्ड (साइनेज) घलो लगाय गे हे। प्रज्ञागिरि परिसर मा ध्यान केंद्र, कैफेटेरिया, पार्किंग, सीढ़ी मरम्मत, सोलर लाइट अउ पानी के बेवस्था करे गए हे।
श्रद्धालु मन बर 9.5 एकड़ जमीन मा एक सुघ्घर पर्यटक सुबिधा केंद्र बनाय गे हे, जेखर डिजाइन ‘श्रीयंत्र’ के बरोबर हे। एमा ध्यान केंद्र, बिस्राम कक्ष, प्रसाद कक्ष, सांस्कृतिक मंच, सामान रखे बर क्लॉक रूम, सत्संग कक्ष, पानी-शौचालय, सुघ्घर बगीचा (लैंडस्केपिंग), सोलर लाइट अउ पार्किंग के संग बड़े परवेस द्वार बनाय गे हे। सबो बड़े काम पूरा हो गे हे, अब सिरिफ फिनिशिंग के काम थोरिक बाचे हे।
ए काम के देखरेख बर निगरानी समिति अउ दिशा समिति बनाय गे हे, जऊन समय-समय मा योजना के जांच करथो। नियम के मुताबिक मजदूर मन ला ओमन के मजदूरी दिय जावत हे। छत्तीसगढ़ टूरिज्म बोर्ड के अनुबंधित एजेंसी टीसीआईएल (TCIL) ह ए निर्माण ला करे हे। ये एजेंसी भारत सरकार के दूर संचार मंत्रालय ले जुड़े हे।
