मंत्री सिंहदेव करिन दंतेवाड़ा जिला अस्पताल के उदुपहा जांच

दन्तेवाड़ा, प्रदेश के पंचायत अउ ग्रामीण विकास मंत्री श्री टी.एस. सिंहदेव अपन दंतेवाड़ा प्रवास के समय जिला मुख्यालय म स्थित आराध्य देवी मां दन्तेश्वरी मंदिर म पूजा-अर्चना करिन अऊ मंदिर परिसर म स्व सहायता समूह अऊ पूजन सामान विक्रेता मन ले चर्चा करिन। उंखर मांग मन ल ध्यान पूर्वक सुनके निराकरण करे के बात कहिन।
-स्वास्थ्य सेवा मन के लीन जायजा
मंत्री श्री सिंहदेव ह जिला चिकित्सालय स्थल पहुंच के अस्पताल के व्यवस्था मन के जायजा लीन। हॉस्पिटल म भर्ती मरीज मन के उपचार के संबंध म जानकारी लीन। मनखे मन के सेहत के देखभाल कइसे करे जात हे ते बात के बारीकी ले निरीक्षण करिन। उहां भर्ती मरीज मन ले भेंट करके उंखर हाल जानिन। जिला अस्पताल म रखे दवई मन के निरीक्षण करके चिकित्सक मन ल जरूरी दिशा-निर्देश दीन। जिला अस्पताल म स्थित धन्वंतरी जेनेरिक मेडिकल स्टोर के निरीक्षण करके दवई मन के उपलब्धता के बारे म जानकारी लीन।
ये बेरा म विधायक श्रीमती देवती महेंद्र कर्मा, छग पादप बोर्ड उपाध्यक्ष श्री छबीन्द्र कर्मा, जिला पंचायत सदस्य सुश्री सुलोचना कर्मा, पूर्व महापौर जगदलपुर श्री जतिन जायसवाल, श्री कोको पाढ़ी, जिला पंचायत अध्यक्ष सुकमा श्री हरीश कवासी लखमा, प्रदेश प्रतिनिधि श्री देवी सिंह चौहान, श्री कमलोचन सेठिया, श्री शिवशंकर सिंह चौहान, श्री डेगल दादा, श्री शंकर कुडि़याम, श्री कमलेश कारम, श्री तपन सूत्रधार, श्री जोगराज बुरड़, जिला पंचायत सीईओ श्री आकाश छिकारा, एसडीएम श्री अबिनाश मिश्रा संग आन मौजूद रहिन।