मुख्यमंत्री श्री विष्णु देव साय ह कबीरधाम जिला के ग्राम कुसुमघटा म नवा बने  गुड़ उद्योग के करिन शुभारंभ

आधुनिक अउ तकनीकी विधि ले संचालित होही माँ रूखमणी गुड़ उद्योग

रायपुर, 18 जनवरी 2024। मुख्यमंत्री श्री विष्णु देव साय ह आज सुकरवार के कबीरधाम जिला के ग्राम कुसुमघटा म आधुनिक अउ तकनीकी विधि ले संचालित माँ रूखमणी गुड़ उद्योग के विधिवत शुभारंभ करिन। मुख्यमंत्री के संग ए अवसर म उपमुख्यमंत्री श्री विजय शर्मा, कृषि मंत्री श्री रामविचार नेताम, वन मंत्री श्री केदार कश्यप, स्वास्थ्य मंत्री श्री श्याम बिहारी जायसवाल, महिला अउ बाल विकास मंत्री श्रीमती लक्ष्मी राजवाड़े, सांसद श्री संतोष पाण्डेय अउ पंडरिया विधायक श्रीमती भावना बोहरा घलोक उपस्थित रहिन।
मुख्यमंत्री श्री साय ल संचालक श्री चन्द्रशेखर वर्मा ह बताइस कि ये गुड़ उद्योग नवा तकनीकी विधि ले संचालित हे। एखर पेराई क्षमता प्रतिदिन 1200 सौ क्विंटल हे। ये मां सामान्य गुड़ उद्योग के तुलना म मजदूरी या कुशल श्रम कम लगथे। सिरिफ 25 ले 30 मजदूर अउ कुशल श्रमिक के मौजूदगी म गुड़ बने के काम शुरू हो जाही। ए  आधुनिक अउ नवा तकनीकी ले संचालित गुड़ उद्योग जिला म 7-8 ही संचालित हे। एखर पेराई क्षमता जादा होए से क्षेत्र के गन्ना उत्पादक किसान मन ल जादा लाभ मिलही संगेच जिला म गुड़ उद्योग ल बढ़ावा मिलही। ए अवसर म मुख्यमंत्री श्री साय के संग डॉ. पूर्णेन्दु सक्सेना, श्री बिसराम यादव, श्री पवन साय, श्री अजय जामवाल उपस्थित रहिन।