राजनांदगांव, डबरी के बने ले खेलावन ल न सिरिफ सिंचाई के सुविधा मिलीस, भलुक मछलीपालन ले वोखर आर्थिक स्थिति मजबूत बनिस। छुरिया विकासखंड के ग्राम आमाकट्टा म शासन के मनरेगा योजना के तहत 1 लाख 67 हजार रूपिया के लागत ले खिलावन बर डबरी के निर्माण करवाए गीस। खिलावन के परिवार म 10 सदस्य हे, जिंकर आजीविका पूरा खेती उपर निर्भर हे। डबरी निर्माण के पहिली खिलावन तीर सिंचाई सुविधा नइ होए ले ओ ह सालों ले वर्षा के पानी उपर निर्भर रहिस, जेखर से खेत म फसल के उत्पादन कम होत रहिस। अभी हाल म डबरी के निर्माण होए ले सिंचाई के सुविधा उपलब्ध होए ले धान के फसल म बढ़ोतरी होए हे।
श्री खिलावन ह बताइस के आन विभाग ले अभिसरण के अंतर्गत वोला डबरी म मछली पालन बर बीज के वितरण तको करे गीस, जेखर से ओखर आर्थिक स्थिति मजबूत होइस। अइसनहे कृषि विभाग कोति ले अरहर के बीज तको देहे गीस। जऊन ल वो ह डबरी के मेढ म लगाइस। डबरी निर्माण होए के पहिली के स्थिति ल बतात खिलावन ह बताइस के डबरी निर्माण होए के पहिली वोखर जमीन म वर्षा के पानी रूकत नइ रहिस, जेखर सेती बने फसल नइ होत रहिस। आज डबरी निर्माण होए के बाद अभी हाल म वोकर जमीन म करीबन डेढ़ गुना फसल बाढ़े हे। जेखर से जल संरक्षण होय हे अऊ जमीन के जल स्तर बाढ़े हे। डबरी के मेढ़ म अरहर के फसल लगे हे अऊ आसपास के जमीन म वो ह चना के खेती करत हे।
