मुख्यमंत्री ले घोषणा पर होइस अमल, मछुआ समूह ल मिलिस केज

मछरी पालन ले मछुआ सहकारी समिति के 200 सदस्य बनिस आत्मनिर्भर
केज कल्चर ले बाढ़िस मछरी के उत्पादन, मछुआ समूह के आमदनी घलो बाढ़िस
रायपुर 25 जुलाई 2023
मुख्यमंत्री श्री भूपेश बघेल के घोषणा के अनुरूप कोरबा जिला के ग्राम सतरेंगा क्षेत्र के मछुआ समिति ल केज उपलब्ध कराए गइस हे।
    केज उपलब्ध होए ले क्षेत्र के मत्स्य पालन ले जुड़े मछुआरा मन के जीवन म अब परिवर्तन आए लगे हे। पारंपरिक तरीका ले मत्स्य पालन करे वाले मछुआरा मन ल आधुनिक पद्धति ले मछरी पालन करे के सामग्री उपलब्ध कराए म न सिरिफ मछरी उत्पादन म वृद्धि होइस हे, बलकि उमन के आमदनी घलो बढ़िस हे।मुख्यमंत्री के घोषणा करे के बाद जिला खनिज संस्थान न्यास कोरबा अउ विभागीय सहयोग ले बांगो सिंचाई जलाशय के ग्राम-सतरेंगा म 100 नग, ग्राम-गढ़उपरोड़ा म 100 नग अउ निउमकछार म 800 नग केज स्थापना ले काम पूरा हो गए हे अउ बांगो सिंचाई जलाशय के तिर के विस्थापित मछुआ सहकारी समिति के 200 सदस्य मन ल आत्मनिर्भर बनाए ब मत्स्य पालन के व्यवसाय ले जोडे़ गइस हे। परिणामस्वरूप मछुआ समूह के आमदनी पहिली ले जादा होवत हे अउ उमन आत्मनिर्भरता के डहर म आघू बाढ़त हे।
  ए योजना ले 200 सदस्य अउ 800 पारिवारिक सदस्य लाभान्वित होवत हे। केज कल्चर ले हितग्राहि मन के आर्थिक स्थिति म सुधार होवत हे। हितग्राही खेती के संग मत्स्य पालन के व्यवसाय कर के आत्मनिर्भर होवत हे अउ उमन ल प्रोटीन युक्त आहार घलो मिलत हे। उमन के आर्थिक अउ सामाजिक स्थिति म घलो सुधार होवत हे।
Success story
Neha Rathore