धमधा विकासखंड: डायवर्सन ले पानी घलोक अऊ सड़क घलोक

दुरूग, जिला के नहर अऊ नरवां मन ले पानी ल सीधा खेत मन म पहुंचाए बर डायवर्सन के काम करे गए हे। धमधा विकासखंड के मोती नाला म बने घोठा डायवर्सन ले 3 गांव के 186 हेक्टेयर जमीन के सिंचाई करे जात हे। डायवर्सन म पानी पहुंचाए बर वियर के निर्माण करे गए हे, जेकर लंबाई 63 मीटर अऊ ऊंचाई 1.8 मीटर हे। अइसनहे परोड़ा नाला म घलोक वियर के निर्माण करे गए हे, जेकर लंबाई 92 मीटर अऊ ऊंचाई 2 मीटर हे एखर से 182 हेक्टेयर जमीन म सिंचाई बर पानी उपलब्‍ध कराया जात हे।
एखर संगें-संग जलभराव क्षेत्र म गाद के सफाई करे गए हे जेखर से जलभराव के मात्रा म बढ़ोतरी होए हे अऊ भूमिगत जल म घलोक लाभ होए हे। घोठा अऊ परोड़ा दुनों म 3.2 किलोमीटर अऊ 2.52 किलोमीटर के मरम्मत के काम होय हे। परोड़ा बर राशि शासन कोति ले अऊ घोठा बर नाबार्ड कोति ले राशि देहे गए हे जेन कि लगभग4.52 करोड़ हे।
डायवर्सन ले बाईपास सड़क के घलोक होय निर्माण- ये डायवर्सन ले किसान मन ल सिंचाई बर पानी घलोक मिलत हे अऊ आवागमन बर सुविधाजनक सड़क घलोक। ग्रामीण संतराम वर्मा के बताती डायवर्सन ले बहुत अकन बाईपास सड़क मन के निर्माण घलव होय हे। वोकर बताती बीरेभाठ ले अब मेन रोड जाय बर ओ ल 4 ले 5 किलोमीटर के कम दूरी तय करना परथे। खेत, तालाब, कुआं अऊ नलकूप मन म पानी के संगें-संग ओ मन ल सड़क घलोक मिलही ये उमन नइ सोचे रहिन। वो ह कहिस के गांव अऊ आसपास के क्षेत्र मन म होवत विकास काम मन ले वो अड़बड़ खुश हे।