कलेक्टर ह प्रधानमंत्री पोषण शक्ति निर्माण योजना के समीक्षा बैठक लीन
दुर्ग, 14 फरवरी 2024/ कलेक्टर सुश्री ऋचा प्रकाश चौधरी के अध्यक्षता में काली कलेक्टोरेट सभागृह म प्रधानमंत्री पोषण शक्ति निर्माण योजना के समीक्षा बैठक लेहे गीस। जेमे कलेक्टर ह मुख्य रूप ले स्थानीय महिला स्व सहायता समूह कोती ले संचालित योजना अउ शाला मन म सुरक्षित किचन-सह-भंडार के उपलब्धता अऊ शाला मन म पोषण वाटिका किचन गार्डन विकसित करे के संबंध में समीक्षा करिन। शासकीय, शासकीय अनुदान प्राप्त अउ स्थानीय निकाय के प्राथमिक अउ पूर्व माध्यमिक शाला मन म मध्यान्ह भोजन कार्यक्रम ल प्राथमिकता के संग संचालित करे बर उमन कहिन।
समीक्षा के बेरा म कलेक्टर ह कहिन के ल जेन स्कूल मन म किचन गार्डन नई हे उहां स्कूल के प्राचार्य से समन्वय बनाके किचन गार्डन अउ सिंचाई के सुविधा उपलब्ध कराए बर कहिन। संगेच उमन किचन भंडार के जानकारी लेत कहिन कि जेन स्कूल मन म किचन भंडार जर्जर हे वोकर लौहे मरम्मत करके अपूर्ण भंडार कक्ष के मरामत पूरा करे ल कहिन। जिला म प्रधानमंत्री पोषण शक्ति निर्माण (पी.एम. पोषण) महिला स्वसहायता समूह के माध्यम ले संचालित करे जात हे अउ सहायिका के माध्यम ले छात्र मन ल खाना परुसे जात हे। उमन शाला स्तर म शालेय स्टाफ अउ शाला प्रबंधन अउ विकास समिति सदस्य मन बेरा बेरा म जांच करे ल घलोक कहिन। कलेक्टर ह कहीं कि बाजार के जगा म हरीयर साग के प्रबंध किसान मन के खेत से करे जाए, ताकि लइका मन ल ताजा साग मिल सकय। संगेच शाला के लइका मन ल परोसे जात मध्यान्ह भोजन के गुणवत्ता के घलव ध्यान रकहे जाए।
