रायपुर, 08 अकटूबर 2023
प्रदेश के 7 जिला- बलरामपुर, सरगुजा, जशपुर, रायगढ़, सूरजपुर, नारायणपुर अऊ कोण्डागांव म संचालित सबो स्कूल म प्रधानमंत्री पोषण शक्ति निर्माण योजना (मध्यांह भोजन) के तहत अकतहा पोषण आहार के रूप म अण्डा देहे जाही। अण्डा वितरण करे के प्रस्ताव म प्रशासकीय अनुमोदन करके जरूरी कार्यवाही बर स्कूल शिक्षा विभाग अऊ अजीम प्रेमजी फाउंडेशन के संग एमओयू म हाले होए हे।
लोक शिक्षण संचालनालय कोति ले जारी आदेश म कहे गए हे कि ए जिला मन म संचालित जम्मो स्कूल मन म प्रधानमंत्री पोषण शक्ति निर्माण योजना (मध्यान्ह भोजन) ले लाभान्वित सबो छात्र-छात्रा मन ल हरेक शाला दिवस म मध्यान्ह भोजन म अण्डा देहे जाही। अण्डा प्रदान करे के प्रक्रिया अऊ एखर लेखा संधारण के संबंध म विस्तृत दिशा निर्देश लउहे जारी करे जाही।
मध्यान्ह भोजन म अकतहा पोषण आहार के रूप म सात जिला के स्कूली लइका मन ल मिलही अण्डा
