राजधानी रायपुर म 09 मार्च के किसान मन के महाकुंभ

रायपुर, 06 मार्च 2024। कृषि मंत्री श्री रामविचार नेताम ह 09 मार्च के राजधानी रायपुर के साइंस कॉलेज मैदान म आयोजित किसान मन के महाकुंभ (किसान प्रशिक्षण सह-सम्मेलन) कार्यक्रम के तैयारी मन के जायजा लीन अऊ अधिकारी मन ल जरूरी हुकुम दीन। कृषि मंत्री श्री नेताम ह ए मौका म चर्चा म कहिन कि हमर सरकार किसान हितैषी सरकार ये। किसान मन के विकास बर संकल्पित हे। प्रधानमंत्री श्री नरेन्द्र मोदी के गारंटी मन ल पूरा करके गरीब, महिला अऊ किसान मन ल सशक्त अऊ समृद्ध बनाए के दिशा म सरलग काम करत हे। उमन कहिन कि छत्तीसगढ़ के राजधानी रायपुर म 09 मार्च के प्रदेश स्तरीय किसान प्रशिक्षण सह-सम्मेलन के आयोजन करे जात हे। एला किसान महाकुंभ के नाम देहे गए हे। ए कार्यक्रम म देश के रक्षामंत्री श्री राजनाथ सिंह अवइया हे।
मंत्री श्री नेताम ह कहिन कि कार्यक्रम बर जोरशोर से तैयारी चलत हे। कार्यक्रम के तैयारी के संबंध म अधिकारी मन ल जरूरी निर्देश घलोक दीन। मंत्री श्री नेताम ह निरीक्षण के समय प्रशिक्षण सह-सम्मेलन म अवइया किसान मन बर बैठक व्यवस्था, गाड़ी मन के पार्किंग व्यवस्था के संगे-संग बिजली, पानी, भोजन आदि के व्यवस्था ल दुरूस्त करे के निर्देश दीन। ए मौका म वन मंत्री श्री केदार कश्यप संग आन जनप्रतिनिधि उपस्थित रहिन।