सरगुजा, मुख्यमंत्री श्री भूपेश बघेल आज अंबिकापुर के महामाया एयरपोर्ट पहुंचिन। इहां उमन रनवे ल देखिन अऊ सुग्घर काम ह बेरा म पूरा होए खातिर अधिकारी मन ल सहराइन। मुख्यमंत्री ह ये मौका म कहिन कि सरगुजा म महामाया एयरपोर्ट के जोखा करे बर अड़बड़ बेरा ले प्रदेश स्तर म अऊ राष्ट्रीय स्तर म गोठ-बात होवत रहिस। मैं हमेशा स्वास्थ्य मंत्री श्री टी एस सिंह देव ले अऊ खाद्य मंत्री श्री अमरजीत भगत ले ये संबंध म चर्चा करत रहेंव। संगेच हमन सरलग दिल्ली म विमानन मंत्रालय ले घलोक संपर्क म रहेन। आज ये एयरपोर्ट ह बड़का जहाज ल उतारे बर घलोक तियार हो गए हे।
महामाया एयरपोर्ट के रनवे ल देखके मुख्यमंत्री सहराईन, कहिन सरगुजा के एयर कनेक्टिविटी ले इहां पर्यटन ल मिलही बढ़ावा
