मुख्यमंत्री ह महानायक श्री मंगल पाण्डे ल ऊंखर शहादत दिवस म करिन नमन

रायपुर, मुख्यमंत्री श्री भूपेश बघेल ह पहिली भारतीय स्वतंत्रता संग्राम 1857 के महानायक क्रांतिकारी श्री मंगल पाण्डे ल ऊंखर 08 मार्च के शहादत दिवस म नमन करिन। श्री बघेल ह अपन संदेश म कहे हें कि वीर सेनानी मंगल पाण्डे भारतीय स्वाधीनता के अग्रदूत माने जाथे। उमन अंग्रेज मन के दमन के विरूद्ध सबले पहिली अवाज उठाईन। ऊंखर साहस ह आन सैनिक मन ल घलोक शक्ति दीस अऊ विरोध के चिंगारी भड़क उठीस। सेनानी मंगल पाण्डे ह अंग्रेज मन के आगू घुटना नइ टेकिस अऊ मातृभूमि बर अपन प्राण न्यौछावर कर दीस। ब्रिटिश नियम मन के खिलाफत के सेती 8 अपरेल के श्री मंगल पाण्डे ल फांसी दे देहे गीस। उंखर शहादत ह स्वाधीनता के भावना जन-जन म जगा दीस। मुख्यमंत्री ह कहिन कि श्री मंगल पाण्डे जइसे महानायक मन के साहस अऊ बलिदान ले हमन आजादी पाए हन। उंखर शहादत हमेशा युवा मन ल प्रेरणा देत रइही।