संस्कृति विभाग कती ले महंत घासीदास संग्रहालय परिसर म दिए जाथ हे प्रशिक्षण
रायपुर, संस्कृति विभाग कोती ले पारंपरिक कला म आयोजित प्रशिक्षण शिविर आकार-2023 म युवा, लईका अउ सियान मन अबड़ उत्साह के संग प्रशिक्षण लेवत हे। गौर करे लईक बात हे कि संस्कृति विभाग कती ले पारंपरिक शिल्प अउ कला के संरक्षण, प्रचार-प्रसार, जागरूकता अउ लोगन म एकर प्रति रूचि जगोए ब हर बछर के असन ए बछर घलो ‘पारंपरिक शिल्प एवं विविध कला प्रशिक्षण शिविर आकार-2023’ के आयोजन रायपुर के सिविल लाइन स्थित महंत घासीदास स्मारक संग्रहालय परिसर म 01 मई ले सुरू होए हे। प्रशिक्षण कार्यक्रम 19 मई तक चलही।
संस्कृति विभाग के अधिकारी मन ह बताइस कि ‘आकार-2023’ म पंजीकृत प्रतिभागी मन ल म्यूरल आर्ट, पेपरमेसी, क्ले आर्ट, काष्ठ, बांस शिल्प अउ मूर्तिकला, चित्रकला, मधुबनी आर्ट, पटचित्र, धान ज्वेलरी, ड्राई फ्लावर, ग्लास पेंटिंग, गोदना आर्ट, पैरा आर्ट, टेराकोटा, रजवार भित्ती, क्लासिकल नृत्य, नाटक, फोक डांस, जूट शिल्प, मेहंदी आर्ट, गोबर आर्ट, वारली आर्ट, पिछवाई आर्ट, सेंड आर्ट, मंडला आर्ट, मांदना आर्ट, गोंड आर्ट, सौरा आर्ट, स्केच पेंटिंग, केनवाश पेंटिंग, बोनसाई आर्ट, वाद्य-यंत्र प्रशिक्षण अउ मेंकिंग विधा के प्रशिक्षण दिए जाथ हे।
प्रशिक्षण के बाद समापन के दिन प्रशिक्षु मन कती ले निर्मित कलाकृति अउ समान ल परिसर म प्रदर्शित करे के संग प्रमाण पत्र तको प्रदान करे जाही।
आकार-2023: उत्साह के संग युवा, लईका अउ सियान मन लेवत हे पारंपरिक शिल्प कला के प्रशिक्षण
