महतारी वंदन योजना बनिस कैलाशो बाई के जीवन के मुस्कान

कोरबा, रोजी-मजदूरी करके जीवन-यापन करइया कैलाशो बाई आज छत्तीसगढ़ सरकार के महतारी वंदन योजना के माध्यम ले आत्मनिर्भर जीवन जीयत हे। कोरबा जिला के पोड़ी-उपरोड़ा विकासखंड के नवापारा गांव के रहवइया 70 बछर के कैलाशो बाई के जीवन अड़बड़ दुख म रहिस। चार साल पहिली वोखर पति के निधन के बाद ओ अकेली हो गए रहिस अऊ वोला सियानीपन म जीवनयापन खातिर संघर्ष करना परत रहिस।
कैलाशो बाई बताथे के जब हसदेव नदी म बांगो बांध बने के काम चलत रहिस, तब ओ अपन पति के संग मजदूरी करत रहिस। दिनभर के कड़क मेहनत के बलदा म ओ मन ल थेकन रूपिया मजदूरी के रूप म मिलत रहिस। आज उही कैलाशो बाई महतारी वंदन योजना के अंतर्गत हर महीना एक हजार रूपिया के सहायता राशि पावत हे। ओ कहत हे, “अब सरकार हर महीना हमला एक हजार रूपिया देत हे, जेखर से घर के खरचा आसानी ले चल जात हे अऊ कोनो उपर आसरित नइ रहना परत हे।”