महासमुन्द : गोधन न्याय योजना ले किरित बाई के जिनगी म आईस खुसहाली

महासमुन्द, 27 जुलाई 2023
शासन कद महत्वाकांक्षी योजना गोधन न्याय योजना के सुरु होए ले ग्रामीण अंचल म रोजगार के नवा रस्ता खुलिस हे, जेकर से ईहाँ ग्रामीण मन के बीच मे पशुपालन ल लेके रुचि बाढ़त हे। संग म पशुपालक गोबर बेच के आर्थिक रूप ले मजबूत होवत हे। ग्राम जोरातराई के रहोइया श्रीमती किरित बाई यादव एक सीमांत किसान परिवार के होए। पहिली ओ ह खेती के बुता करत रहिस हे। ऊकर करा 7-8 गाय अउ भइंस रहिस, जेकर गोबर ले उपयोग ल ह अपन खेत म खातु के रूप म करय। जब ले गोधन न्याय योजना अंतर्गत गोबर खरीदी होए ले ओ ह गोबर के बेचरी करत हे, जेकर से ओला बने लाभ मिलत हे। गोबर बेच के मिले राशि ले ओ ह अउ गाय, भईस अउ बकरी बिसाईस हे। जेकर से आज उकर तिर 15 भईस , 18 गाय अउ 12 बकरी/बकरा हो गए हे। जादा पशु होदे ओ ह गोबर के विक्रय अधिक मात्रा म करत हे। जेकर से अभी तक कुल 1495 क्विंटल गोबर बेच के लगभग 2 लाख 99 हजार रूपिया के आय प्राप्त डारे हे। ओ ह गोबर बेच के मिले राशि के उपयोग अपन कच्चा घर ल पक्का बनाए म करिस। स तरह गोधन न्याय योजना ले ओ ह अपन परिवार के आवश्यकता के पूर्ति कर सुखी जीवन यापन करत हे। गांव म रह के लोगन मन ब ए गतिविधि ह अजीविका ल बेहतर बनाए म मददगार साबित होइस हे। किरित बाई ह ए महत्वाकांक्षी योजना ब छत्तीसगढ़ सरकार ल धन्यवाद दिस हे।
Success story
Neha Rathore