महासमुंद, 24 अप्रैल 2020। छत्तीसगढ़ शासन के महत्वाकांक्षी योजना नरवा, गरवा, घुरवा अऊ बाड़ी के अंतर्गत जिला म किसान मन बाड़ी विकास कार्यक्रम के तहत् काम करत हें। महासमुंद विकासखंड के ग्राम बम्हनी के प्रतिज्ञा महिला स्व सहायता समूह के महिला मन तको संघरा जुर-मिल के करीबन दू एकड़ रकबा म सब्जी उपजावत हें। एक कोति जिहां लॉकडाउन के सेती सबो मनखे घर म बंद हें, उहें दुसर कोति ये समूह के महिला मन सोशल डिस्टेंसिंग के पालन करत बाड़ी म पौष्टिक साग-सब्जी के उत्पादन बर मिहनत करत रहिथें। महिला मन बाड़ी म बरबटी, लौकी अऊ करेला जइसे साग मन के अलावा लाल भाजी, अमारी भाजी अऊ चेच भाजी तको लगाए हें।
महिला समूह के सदस्य श्रीमती सुशीला निषाद के बताती उमन अपन उपजाए साग-भाजी के पहिली अपन के उपयोग के पुरती रोक के बाकी ल बेंच देथें जेमा करेला तीस-चालीस रूपिया प्रति किलोग्राम, बरबटी दस रूपिया किलोग्राम अऊ लौकी दस रुपिया प्रति नग के भाव ले बिकत हे, जेखर से महिला मन ल बनेच आमदनी मिलत हे।
