महासमुंद म धान खरीदी के धूम! 40 कुंटल ले शुभारंभ, मंत्री खुशवंत साहेब

बोलिन—‘किसान मन खातिर आज तिहार के दिन’
महासमुंद, जिला के झालखमहरिया केंद्र म काली ले समर्थन मूल्य म धान खरीदी शुरू हो गे। कैबिनेट मंत्री गुरू खुशवंत साहेब, विधायक योगेश्वर राजू सिन्हा अऊ संपत अग्रवाल के मौजूदगी म किसान दुर्गेश साहू के 40 क्विंटल धान के तुलाई करके खरीदी के शुरुआत करे गीस। मंत्री ह कहिन के राज्य सरकार किसान मन ल बोनस, एटीएम सुविधा अऊ पारदर्शी खरीदी देहे खातिर प्रतिबद्ध हे।
जिला म 182 उपार्जन केंद्र मन म व्यापक व्यवस्था करे गए हे। कलेक्टर ह बताइस के 16 चेक पोस्ट म कार्रवाई जारी हे अऊ किसान मन ल बिना कोनो परेशानी के धान बेचे के सुविधा ठउका करे गए हे।
ए बेरा म नगर पालिका उपाध्यक्ष श्री देवी चंद राठी, जनपद सदस्य  विजय लक्ष्मी जांगड़े,संदीप दीवान,पीयूष साहू,प्रकाश शर्मा,राहुल चंद्राकर, पंकज चंद्राकर, संदीप घोष, सरपंच श्रीमती अनेश्वरी चंद्राकर, ग्रामीण अध्यक्ष श्याम साकरकर,अपर कलेक्टर श्री रवि साहू, एसडीएम अक्षा गुप्ता अउ किसान बड़ संख्या म मौजूद रहिन।