महिला मन गोबर भूसी नीम के पत्ती अऊ द्रव्य मिलाके तियार करत हें ‘मॉस्किटो फ्यूज़’

महासमुंद, 01 अप्रैल 2021। गोधन न्याय योजना ग्रामीण अउ नगरीय क्षेत्र के अधिकांश मनखे मन बर फ़ायदेमंद होवत हे। ग्रामीण अंचल के संग नगरीय क्षेत्र के मनखे घलोक एकर भरपूर लाभ लेवत हे। हम बात करत हन नगर पंचायत पिथौरा के वो 19 महिला मन के जेन स्वसहायता समूह बना के पिथौरा म दरवाजा-दरवाजा कचरा झोंके के काम तो करथेंच संगें-संग गोधन न्याय योजना ले जुड़ के अपन अऊ अपन परिवार के आर्थिक स्थिति ल तको मज़बूत करत हें। ये मेहनती महिला मन रोज़ मुंधरहा अपन रिक्शा लेके सहर म दरवाजा-दरवाजा कचरा झोंक के ओखर से वर्मी खाद अऊ सीडबाल बनावत हें।
नगर पालिका अधिकारी श्री महेंद्र गुप्ता के बताती गोधन न्याय योजना ले जुड़के इमन मॉस्किटो फ्यूज़ ईन डोर/आऊट डोर के संगेच पूजा धूप अऊ कंडा बनावत हें। इमन गोबर भूसी नीम के पत्ती अऊ डोरी तेल म फाक्स द्रव्य ल मिलाके मॉस्किटो फ्यूज़ छोटे अउ बड़े साईज के तियार करत हें, जेन घर के अंदर अऊ बाहिर जला के छोड़े ले एखर हानि रहित धुंवा ले मच्छर भाग जाथे या मर जाथे। एकर घर उपयोग बर छोटे साईज 05 रूपिया अऊ बाहिर उपयोग बर बड़े साईज के कीमत 15 रूपिया हे।
एखर अलावा एमन पूजा के उपयोग बर धूप घलोक बनावत हें। ये उत्पाद गोबर भूसी धुप अऊ सुगंधित द्रव्य ल मिलाके तियार करे जात हे, जेन पूजा म उपयोगी सुगंधित धूप अऊ होम धुप बर उपयोगी होही। इंकर कहना हे के ये ह आसानी ले जलही अऊ एखर धुवां ले आंखी म जलन नइ होवय। एकर कीमत 04 रूपिया हे। एकर संगेंच नगर पंचायत पिथौरा के गोधन न्याय योजना म स्वसहायता समुह ह शीड बाल अऊ वर्मी कमपोस्ड तको बनावत हें। इहां इमन आमा, सागोन, नीम, करंज, नीबू, संतरा के थरहा तको रोपे हें जेन ह बरसात के लगाए जा सकही एकर कीमत इमन 03 रूपिया राखे हें।