बिहान दीदी मन के धान, बांस आदि ले बने राखी मन भाई मन के कलाई म सजही

महासमुंद, महासमुंद जिला के महिला स्व-सहायता समूह के बहिनी मनह बड़ मया अऊ उछाह ले भाइय मन बर बांस, धान, मोती, रुद्राक्ष अऊ ऊन सूती धागा ले मनमोहक आकर्षक तरीका ले राखी बनावत हें। एला उमन सौम्य बंधन के नाम देहे हें। बिहान बहिनी मन ह छत्तीसगढ़ के संग अपन आन बहिनी मन ले ए राखी मन ल अपन भाई मन के कलाई बर खरीद के छत्तीसगढ़ के संस्कृति अऊ माटी के खुशबू के संग ये पवित्र त्यौहार ल हर्ष उल्लास के संग मनाए ल ककत हें। इंखर बनाए राखी मन शहर अऊ गांव के बजार मन के संगें-संग जिला मुख्यालय महासमुंद म स्थित सी-मार्ट म घलोक बिक्री बर उपलब्‍ध हे।
जिला के कई समूह के महिला मन ह कहे हें कि बहिनी मन अपन मयरू भाई मन के प्रति अपन अटूट प्यार ल दर्शाए बर ओ मन ल ए आकर्षक राखी बांधव। एला महासमुन्द के ग्रामीण स्व-सहायता समूह के महिला मन सावधानीपूर्वक, दस्तकारी ले खूबसूरत अऊ आकर्षक ढंग ले बनाय अऊ पिरोए हे। आप मन के स्नेह भरे खरीदी ले उंखर आजीविका बढ़ाए म मदद मिलही अऊ 140 ले जादा महिला अऊ ऊंखर परिवार के उत्साह बढ़ाए म ए ह एक अनूठा प्रयास होही।
मुख्य कार्यपालन अधिकारी जिला पंचायत श्री एस. आलोक ह बताइस कि महिला स्व-सहायता समूह के उत्पादित चीज मन ल सी-मार्ट म विक्रय करे जात हे। एखर बर जिला मुख्यालय, सबो ब्लॉक मुख्यालय मन म दंकर बनाए अलग-अलग प्रकार के चीज मन के बिक्री बर महिला मन ल स्टॉल घलोक उपलब्‍ध कराए गए हे। एखर अलावा स्थानीय हाट बाजार अऊ राजधानी रायपुर संग पड़ोसी जिला मन म घलोक इंकर माँग हे। इहां महिला स्व-सहायता समूह ले उत्पादित चीज मन ल बिक्री करे जात हे। उहें 12 समूह के महिला मन ल 25 हजार राष्ट्रीय झण्डा बनाए के वर्क ऑर्डर तको देहे गए हे। इंकर हाथ ले बनाए झण्डा आजादी के 75वीं वर्षगांठ अऊ अमृत महोत्सव म जिला के घर मन म 13 ले 15 अगस्त फहराए जाही। एखर से महिला तन के ये प्रयास ले ऊंखर आर्थिक अऊ सामाजिक स्थिति म अवइया समय म बेहतर परिणाम देखे ल मिलही। एखर से महिला मन अपन हुनर अऊ योजना के लाभ उठाके न केवल आर्थिक रूप ले मजबूत होवत हें भलुब ओ मन आत्मनिर्भर बनत हें।
छत्तीसगढ़ राज्य ग्रामीण आजीविका मिशन बिहान अंतर्गत विकासखण्ड महासमुंद के ग्राम पंचायत बरिहापाली के महा गौरी समूह, कोमाखान के एकता महिला समूह के संग ही कछारडीह, रायतुम, मुनगाशेर, कांपा, कोमाखान, बिरकोनी म श्री कृष्णा, उगता सूरज, राधा कृष्णा, नवा बिहान, ओम महिला, स्वाभिमान, श्री शक्ति महिला, गीता महिला, बजरंग महिला, आदिवासी महालक्ष्मी, जयदुर्गा, जय मॉ अम्बे, जय बजरंग, अन्नपूर्णा, शारदा अऊ गायत्री समूह के महिला सदस्य मन राखी तियार करत हें। स्थानीय बाजार म समूह कोति ले बनाय राखीं ल 10 रूपिया ले लेके 50 रूपिया तक बेचे जात हे। जिला के अलावा आसपास के जिला मन म घलोक समूह के महिला मन के बनाय राखीं के बनेच मांग हे।