महासमुंद : रीपा ले जुड़ के घरेलू महिला ले महिला उद्यमी बने के सफर

लक्ष्मी स्व सहायता समूह के महिला चैन फेंसिंग बना के होवत हे आत्मनिर्भर
महासमुंद, 29 अगस्त 2023
छत्तीसगढ़ शासन डहर ले महिला मन ल आत्मनिर्भर बनाए के प्रयास के सकारात्मक परिणाम आए लगे हे। महिला मन अब खुद हुनरमंद होके छोट-छोट रोजगार के जरिया स्वाबलंबी बने के डहर आघू बाढ़त हे। ज़िला के बाग़बाहरा ब्लॉक के ग्राम भुथिया में अइसे ही एक समूह लक्ष्मी महिला स्व सहायता समूह की दीदी मन चैनलिंग फेंसिंग के काम कर अपन स्वांवलंबन के रस्ता म हे।
महिला स्व सहायता समूह में दस महिला हे। इहाँ के गौठान में रूरल इंडस्ट्रियल पार्क (रीपा) के तहत चैनलिंग फेंसिंग काम से समूह के महिला मन ले क़िस्मत बदलत हे। आज गांव में रीपा स्थापित होए ले गांव के महिला मन ल स्थायी रोजगार के अवसर मिलिस। समूह के महिला मन में प्रशिक्षण लेहे के बाद मनोबल बाढीस हे। जेकर से महिला मन के विश्वास अउ हौसला के संग स्वरोजगार कर जीविकोपार्जन करे के रद्दा म चल पडे़ हे अउ अभी तक लगभग 33 क्विंटल चैनलिग फेंसिंग के निर्माण कर डारे हे। जेमा से 2 लाख 50 हजार रुपिया के चैनलिग फेंसिंग के बेचरी कर प्रति सदस्य 6-7 हजार रुपिया के आमदनी कर डारे हे।
समूह के महिला मन बतात हे कि रीपा ले जुडे़ के पहिली उमन खेती, मजदूरी के बुता करत रहिस। एक सामान्य घरेलू महिला ले उद्यमी महिला के रूप में पहिचान देवाए ब छत्तीसगढ़ शासन के धन्यवाद ज्ञापित करत हे।