कोला बारी ले उपजे साग-भाजी ले होवत हे अकतहा आमदनी

महासमुन्द, 04 मार्च 2021। राज्य शासन के महत्वाकांक्षी योजना नरवा, गरवा, घुरूवा, बाड़ी महासमुन्द जिला के किसान मन बर लाभदायक साबित होए हे। उद्यान विभाग के सहायक संचालक श्री एन.एस. कुशवाहा ह बताइस के जिला ल डी.एम.एफ. बाड़ी के लक्ष्य 4000 अउ पोषण बाड़ी के लक्ष्य 1332 मिले रहिस। जेखर क्रियान्वयन जिला के सबो विकासखंड मन म करे गए हे। बाड़ी योजना शासन के एक अइसे योजना हे जेमां किसान अपन घर के पास के खाली जगा के समुचित उपयोग करके अपन आमदनी ल बढ़ा सकत हे। बाड़ी योजना म किसान मन ल विभाग कोति ले फलदार पौधा के संगें-संग सब्जी बीज तको देहे जाथे। जेखर से किसान मन ल बाड़ी ले ताजा सब्जि अऊ वोकर से जरूरी पोषक तत्व अऊ अकतहा आमदनी के जरिया बनथे।