महासमुंद : गोधन न्याय योजना : लक्ष्मी स्व सहायता समूह ह गौठान ले जुड़ के 9 लाख रुपिया ले जादा के आय अर्जित करिस

महासमुंद 21 जुलाई 2023
गोधन न्याय योजना छत्तीसगढ़ राज्य के गौपालक, ग्रामीण अउ किसान मन ब एक महत्वपूर्ण अउ उत्साहजनक योजना हे। ए योजना राज्य सरकार द्वारा सुरू करे गए हे एकर मुख्य उद्देश्य हे ग्रामीण क्षेत्र म जीवनस्तर ल सुधारना, गौपालक, ग्रामीण अउ किसान मन ल समृद्धि, अउ ग्रामीण अर्थव्यवस्था ल मजबूत बनाए ब धरोहर (गोधन) के उपयोग ल प्रोत्साहित करना। बसना विकासखंड के ग्राम ठूठापाली अंतर्गत लक्ष्मी महिला स्व सहायता समूह ह योजना ले सुरुआत ले अभी तक वर्मीकपोस्ट खाद, सब्ज़ी बाड़ी, मुर्गी पालन अउ आने आने विभिन्न गतिविधिय ले गौठान म 9,19,882 रुपिया के कमई करे हे।
योजना के तहत महासमुंद जिला के ग्रामीण अउ नगरीय क्षेत्र के गौठान म सरलग गोबर के खरीदी अउ वर्मी कम्पोस्ट के उत्पादन समूह के महिला मन कोती ले करे जाथ हे। ए योजना ल तीन बछर पूर गए हे। ए योजना ह 20 जुलाई 2020 के सुरू होए रहिस हे। विकास खण्ड बसना के गोठ करबोन त ईहाँ के सब्बो गौठान म गोबर के खरीदी अउ वर्मी खाद तईयार करे के प्रक्रिया सुचारू रूप ले चलत हे। बसना ले लगभग 18 किलोमीटर दूरिहा ग्राम ठूठापाली म लक्ष्मी महिला स्व-सहायता समूह के सदस्य मन ह अभी तक 2102 क्विंटल जैविक खाद उत्पादन अउ दूसर सामग्री तियार कर 6 लाख 23 हज़ार रुपिया कमाए हे।
लक्ष्मी महिला स्व सहायता समूह के सदस्यन ह वर्मी खाद् के छोड़े साग सब्जी बाड़ी अउ मुर्गी पालन ले लगभग आय अर्जित म से सब्जी बाड़ी के 34450 रूपिया अउ मुर्गी पालन ले 262400 रूपिया आय प्राप्त होए हे। जेमा पूर्ण रूप ले संबंधित विभाग डहर ले सहयोग करे गय हे । ए प्रकार समूह के कुल आय 919882 रूपिया अर्जित होए हे। लक्ष्मी महिला स्व सहायता समूह के सदस्य मन ह बताइस कि गोधन न्याय योजना ले जुडे़ के पहिली उमन के स्थिति घर संभाले अउ लईका मन के लालन पालन संग दूसर घरेलू बुता म सिमटे रहत रहिस हे। फेर गोधन न्याय योजना म जुडे़ के बाद हमार आर्थिक स्थिति म बने सुधार आइस हे। एकर संग ग्रामीण महिला मन अपन बल म अतिरिक्त आय अर्जित कर के पारिवारिक आर्थिक स्थिति ल अउ बेहतर करत हे। गोधन न्याय योजना म जुडे़ ले उमन के मनोबल बाढ़े के संग सशक्त घलो होइस हे।
Success story
Neha Rathore