महासमुन्द, 16 फरवरी 2021। कलेक्टर श्री डोमन सिंह ह कुछेक दिन पहिली जिला मुख्यालय महासमुन्द के कई ठन शासकीय कार्यालय, नगर के वाडे, तरिया अऊ सड़क मन के जांच करिन। उमन तहसील कार्यालय पहुंचके उहां के साफ-सफाई के व्यवस्था मन के अवलोकन करिन। तहसील कार्यालय परिसर के खाली जमीन म बगईचा बनाए के हुकुम तको दीन। एखर पाछू उमन वार्ड क्रमांक 20 अउ 21 म चलाए जात सफाई काम मन के निरीक्षण करिन अउ जरूरी दिशा-निर्देश दीन। वार्डवासी मन ह बताइन के पाछू दू-तीन महीना ले नाली के सफाई नइ होए हे अइसे जानकारी मिलिस। ये बात म कलेक्टर ह मुख्य नगरपालिका अधिकारी ल संबंधित सफाई कर्मी ल नोटिस जारी करे के हुकुम दीन।
एखर बाद कलेक्टर श्री सिंह ह शहर के जुन्ना तलाब महामाया तालाब के जांच करिन। उमन तालाब म महिला मन के घठाौंधा म कपड़ा बल्दे के कुरिया बनाए, तीर-तखार के साफ-सफाई रखे गंदगी फइलइ ल रोके, तरिया के करार ल सुग्घर कराए, पूजन सामान ल विसर्जन करे बर अलग से टंकी बनवाए ल कहिन। जिहां श्रद्धालु हवन पूजन समान ल उहां ठंडा कर सकयं। एखर से पानी के तालाब दूषित नइ होही। एखर बाद शीतला तालाब, टामकी तालाब, बंधवा तालाब के निरीक्षण करिन। ये बेरा म अपर कलेक्टर श्री जोगेन्द्र कुमार नायक, एसडीएम श्री सुनील कुमार चन्द्रवंशी, मुख्य नगर पालिका अधिकारी श्री ए.के. हलदार, तहसीलदार श्री मूलचंद चोपड़ा संग संबंधित अधिकारी उपस्थित रहिन।
कलेक्टर ह महासमुन्द के तरिया मन ल सुन्दर सजाए के दीन हुकुम
