बाड़ी म साग-सब्जी के उत्पादन करके किसान मन होवत हे आत्मनिर्भर
महासमुंद, 27 जून 2020। राज्य सरकार कोति ले किसान मन के आर्थिक स्थिति सुधारे बर नरवा, गरूवा, घुरूवा अऊ बाड़ी योजना संचालित करे जात हे। जेखर तहत् नरवा के जीर्णोद्धार, घुरूवा म खाद निर्माण अऊ बाड़ी म सब्जी-भाजी बर किसान मन ल प्रोत्साहित करे जात हे। इही कड़ी म बसना विकासखण्ड के ग्राम हाड़ापथरा के कृषक श्री यादराम साव के डी.एम.एफ. बाड़ी विकास अंतर्गत चयन करे गए हे। ओ ह अपन बाड़ी म साग-सब्जी के खेती करत हे।
किसान श्री यादराम साव के बताती उद्यानिकी विभाग के अधिकारी-कर्मचारी मन समय-समय म तकनीकी मार्गदर्शन घलोक देथें। जकर से बहुत अकन सब्जि मन के उत्पादन होवत हे। जेमां रोजेच भिण्डी 10 किलोग्राम, बरबटी 5 किलोग्राम, टमाटर 10 किलोग्राम अउर बैंगन 15 किलोग्राम होथे। अइसनहे 02 दिन के आड़ म लौकी 20 नग, 03 दिन के आड़ म म करेला 05 किलोग्राम अउ 05 दिन के आड़ म मिर्च 01 किलोग्राम उत्पादित होवत हे। जेखर से ओ ल बनेच लाभ मिलत हे। वोकर बताती घर म सब्जी के उपयोग के संग अब तक करीबन 35 हजार रुपए तक के साग वो ह बेंच डरे हे।