महासमुंद, जिला के ग्राम पंचायत बकमा ग्राम कोना के रहवईया श्रीमती गंगा कमार अऊ वोखर परिवार बर प्रधानमंत्री जन-मन योजना वरदान साबित होए हे। श्रीमती गंगा के बताती के ओखर परिवार लंबा समय ले गरीबी अऊ कठिन परिस्थिति म जीवन यापन करत रहिस। वोखर पति खेती मजदूरी करके परिवार के भरण पोषण करत रहिस अऊ कच्चा मकान म रहे के सेती ओखर जीवन अऊ मुश्किल हो गए रहिस। प्रधानमंत्री जन-मन योजना के तहत ओ ल एक पक्का घर मिलीस जेखर से वोखर सपना पूरा होइस। वो ह बताइस के जब ओखर नाम प्रधानमंत्री जन-मन योजना के चयन सूची म आइस हे, त वोखर खुशी के ठिकाना नइ रहिस। ए योजना के तहत ओ ल तीन किस्त म धनराशि सीधा वोखर बैंक खाता म भेजे गीस अऊ काम के आधार म ओ ल कुशल मजदूरी के भुगतान घलोक करे गीस। ए प्रकार ले वो ह अपन पक्का घर के निर्माण पूरा करिस अऊ अब ओ उही घर म अपन परिवार के संग खुशी खुशी रहत हे।
संगेच गंगा ल सरकार के आन योजना मन के घलोक लाभ मिलीस, जइसे प्रधानमंत्री उज्ज्वला योजना के तहत मुफ्त गैस कनेक्शन, महतारी वंदन योजना के तहत 1000 रूपिया महीना आर्थिक सहायता, जेखर से वोखर घर के आन ज़रूरत पूरा होवत हे। बिजली कनेक्शन, पक्का शौचालय, नल कनेक्शन, किसान सम्मान निधि अऊ सामाजिक सुरक्षा पेंशन राशि घलोक मिलत हे।
आयुष्मान कार्ड ले अब ओखर परिवार स्वास्थ्य सेवा के लाभ आसानी ले उठा सकत हे। बैंक खाता अऊ आधार कार्ड के माध्यम ले ओ ल सीधा सरकारी योजना मन के लाभ मिलत हे। वो ह बताइस के गांव म जीवन के बुनियादी सुविधा मन बर नल जल योजना अऊ बिजली के सुविधा घलोक मिलत हे, जेखर से वोखर दैनिक जीवन के कठिनाइ कम हो गए हे। सरकार के किसान सम्मान निधि योजना के लाभ घलोक ओ ल मिलत हे। ए सबो योजना मन ले वोखर जीवन म व्यापक बदलाव आए हे अऊ वोखर परिवार बर एक बेहतर अऊ सुरक्षित भविष्य सुनिश्चित होए हे। गंगा कमार ह प्रधानमंत्री जन-मन योजना के तहत मिले ए लाभ बर प्रधानमंत्री नरेंद्र मोदी अऊ मुख्यमंत्री विष्णु देव साय के आभार व्यक्त करे हे।