महासमुंद: विकसित भारत संकल्प यात्रा के दूसर चरण के तहत महासमुंद म दू जगा शिविर आयोजित

महासमुंद, 14 फरवरी 2024। विकसित भारत संकल्प यात्रा के दूसर चरण के तहत सरकार के योजना मन के जानकारी आम नागरिक मन तक पहुंचाए अउ शासन के लोक हितैषी योजना मन ले लाभान्वित करे के उद्देश्य ले काली आत्मानंद उत्कृष्ट हिन्दी माध्यम हाई स्कूल महासमुंद म शिविर के आयोजन करे गीस। विकसित भारत संकल्प यात्रा के बेरा म सांसद श्री चुन्नीलाल साहू बतौर मुख्य अतिथि के रूप म सामिल होइन। उमन ए अवसर म प्रधानमंत्री श्री नरेन्द्र मोदी जी के विकसित भारत संकल्प यात्रा के उद्देश्य बतात कहिन कि ये यात्रा के माध्यम ले समाज म आखरी पायदान म खड़े मनखे तक सरकार खुद पहुंचत हे, ओला अपन योजना मन ले जोड़त हे। ए यात्रा के सबले बड़का मकसद हे कि कोनो हकदार सरकारी योजना मन के लाभ ले नइ छूटना चाही। कई पइत जागरूकता के अभाव म पात्र मनखे योजना के लाभ ले वंचित रह जाथे, अइसन मनखे मन तक पहुंचना सरकार अपन दायित्व समझ के ए यात्रा के माध्यम ले गांव-गांव अऊ शहर-शहर पहुंचत हे। मोदी के गारंटी ले साल 2047 तक भारत विकसित राष्ट्र बनही। उमन कहिन कि महासमुंद म मेडिकल कॉलेज खुले ले गरीब मन के मुफ्त इलाज सुनिश्चित होही।
अब आयुष्मान कार्ड ले 10 लाख रुपए तक इलाज के घलोक तैयारी चलत हे। आज हर घर म शौचालय, गैस अऊ आवास के सुविधा दे गए हे। महासमुंद म बेलसोंडा रेलवे फाटक के चौड़ीकरण होही, एखर से अव्यवस्थित अवागमन म निजात मिलही। उमन कहिन कि ओवरब्रिज बर 56 करोड़ के स्वीकृति घलोक मिल गए हे। इहां के रेलवे स्टेशन के घलोक कायाकल्प होही संकल्प शिविर ल सासंद प्रतिनिधि श्री संदीप दीवान, पार्षद श्री महेन्द्र जैन, श्री देवीचंद राठी ह घलोक संबोधित करीस।
ए अवसर म महिला अउ बाल विकास के स्टॉल म लइका मन ल खीर खवा के अन्नप्राशन कराए गीस अउ सुपोषण टुकनी देके महिला मन के गोद भराई कार्यक्रम पूरा कराए गीस। शिविर म पूर्व नपा अध्यक्ष श्री पवन पटेल, सासंद प्रतिनिधि श्री संदीप दीवान पटेल, पार्षद श्री महेन्द्र जैन, श्री देवीचंद राठी, श्रीमती माधवी महेंद्र सिक्का, श्री राजेन्द्र चंद्राकर, श्री मनीष शर्मा, श्रीमती सुधा साहू, श्री पवन साहू, मुख्य नगरपालिका अधिकारी श्री टॉमसन रात्रे, नगर पालिका के कर्मचारी संग बड़ संख्या म स्थानीय नागरिक अउ हितग्राही मौजूद रहिन।