पहिली चरण म राज्य के नौ जिला मन म जाही रथ: दुर्ग जिला ले होही शुरूआत
रायपुर, मुख्यमंत्री श्री भूपेश बघेल ह आज हरेली के अवसर म अपन बंगला ले मुख्यमंत्री महतारी न्याय रथ ल हरी झंडी देखा के रवाना करिन अऊ अपन शुभकामना दीन। कार्यक्रम के शुरूआत छत्तीसगढ़ के राजगीत ले होइस। ‘‘बात हे अभिमान के महिला मन के सम्मान के’’ सूत्र वाक्य के संग ये यात्रा शुरू होइस। छत्तीसगढ़ राज्य महिला आयोग के पहल म प्रदेश के महिला मन ल ऊंखर संवैधानिक अधिकार अऊ कानून मन के जानकारी देके जागरूक करे अऊ उंकर मन म आत्मविश्वास बढ़ाए के उद्देश्य ले ये न्याय रथ यात्रा शुरू करे गए हे।
मुख्यमंत्री श्री बघेल ह महिला मन के सुरक्षा, न्याय अऊ ओ मन ल अधिकार सामरथ बनाए के शपथ घलोक देवाइन। ये मौका म महिला अऊ बाल विकास मंत्री श्रीमती अनिला भेंड़िया, उद्योग मंत्री श्री कवासी लखमा, खाद्य मंत्री श्री अमरजीत भगत, वन मंत्री श्री मोहम्मद अकबर, छत्तीसगढ़ राज्य महिला आयोग के अध्यक्ष डॉ. किरणमयी नायक, गौ सेवा आयोग के अध्यक्ष महंत श्री राम सुंदर दास, विधायक श्री सत्यनारायण शर्मा, राज्य खाद्य आपूर्ति निगम के अध्यक्ष श्री रामगोपाल अग्रवाल संग बड़ी संख्या म मनखे उपस्थित रहिन।
मुख्यमंत्री श्री भूपेश बघेल ह ’मुख्यमंत्री महतारी न्याय रथ’ ल हरी झंडी देखाके रवाना करिन
