धमतरी, 06 फरवरी 2024। धमतरी जिला के रूद्री निवासी श्रीमती लोमेश्वरी ओझा ह महतारी वंदन योजना म खुशी जतात कहिस कि ये योजना महिला मन बर बहुतेच लाभकारी हे। योजना ले हर महिना मिलइया पइसा के उपयोग वो खुद के छोटे-छोटे जरूरत मन ल पूरा करे के संग परिवार के जरूरत म घलोक खरचा करही। महतारी वंदन योजना के तहत मिलइया राशि अपन देखरेख, स्वास्थ्य म घलोक मददगार साबित होही।
धमतरी जिला के भटगांव निवासी श्रीमती कुंती कुंभकार ह बताइस कि वोखर पति कुम्हार के काम करथे। योजना ले मिलइया राशि के उपयोग वो अब घर के जरूरत, लइका मन के पढ़ाई अउ कुछ पइसा अचानक अवइया जरूरत मन के पूर्ति बर रखही।
पात्र महिला ल हर महीना 1000 रूपिया के भुगतान डीबीटी के माध्यम ले करे जाही
