महतारी वंदन ले आर्थिक संबल अऊ वय वंदन ले स्वास्थ्य सुरक्षा: भूरी देवी के परिवार ल मिलिस दुहरा सहारा

सुकमा, जिला के छिंदगढ़ विकासखंड के ग्राम कूकानार के श्रीमती भूरी देवी के परिवार ल शासन के योजना मन ले दुहरा मजबूती मिलिस हे। महतारी वंदन योजना ले घर-परिवार ल आर्थिक संबल मिलिस, त वय वंदन आयुष्मान कार्ड ले स्वास्थ्य सुरक्षा के भरोसा मिलिस हे।
भूरी देवी ह बताइन के महतारी वंदन के 1000 रूपिया ले लइका मन के खान-पान, पोसन अऊ बचत म मदद मिलत हे। उहें स्वास्थ्य विभाग के टीम ह घर पहुंचके बुजुर्ग मन बर ‘वय वंदन आयुष्मान कार्ड’ बनाइस, जेखर ले 5 लाख रूपिया तक के कैशलेस इलाज के सुविधा सुनिश्चित हो गे हे।
उमन मुख्यमंत्री श्री विष्णु देव साय के संवेदनशील पहल के आभार जतावत कहिन के सरकार के योजनाएं अब घर-घर पहुंचके मनखे मन ल सुरक्षा देवत हें।