रक्षाबंधन ले पहिली महतारी वंदन के 30वां किस्त जारी, बहनी मन के खाता म 19,444 करोड़ ले जादा अंतरित

रायपुर। रक्षाबंधन के पावन तिहार ले पहिली मुख्यमंत्री श्री विष्णु देव साय ह छत्तीसगढ़ के बहनी मन ल महतारी वंदन योजना के 30वां किस्त के रूप म विशेष सौगात दीन। 7 अगस्त 2026 ल जारी 30वां किस्त के संग प्रदेश के पात्र महिला मन के बैंक खाता म 19,444.33 करोड़ रूपिया ले जादा के राशि सीधा अंतरित करे जा चुके हे।
1 मार्च 2024 ले सुरू होए ए योजना ह महिला मन के स्वाभिमान अऊ आत्मनिर्भरता के आधार बन गे हे। सूरजपुर के श्रीमती तेज कुमारी, मुंगेली के श्रीमती अनीता गंधर्व (सिलाई-मनिहारी दुकान), जांजगीर के श्रीमती शबीना बेगम (चूड़ी दुकान), मनेन्द्रगढ़ के श्रीमती गायत्री श्रीवास्तव, रायगढ़ के श्रीमती राशी कँवर अऊ कोरबा के श्रीमती शकुंतला कुर्रे (सुकन्या समृद्धि बचत) जइसन हजारों महिला मन ह ए राशि ले न केवल घरेलू जरूरत ल पूरा करत हें, बल्कि बचत करके अपन स्वरोजगार घलोक सुरू करे हें।
रक्षाबंधन ले पहिली खाता म पहुंचे ए राशि ह बहनी मन बर ‘विष्णु भैया के उपहार’ बनके तिहार के उमंग ल दोगुना कर दे हे।