धमतरी, 03 जुलाई 2024। महिला सशक्तिकरण ल मजबूती प्रदान करे बर प्रदेश सरकार ह बीते मार्च महिना ले महतारी वंदन योजना संचालित करे जात हे। ए महत्वाकांक्षी योजना ले महिला मन ह लाभान्वित होके आर्थिक रूप ले सशक्त होवत हें। योजनांतर्गत हर महीना एक हजार रूपिया महिला मन के बैंक खाता म सीधा जमा होए ले प्रदेश के महिला मन के मन म बेहतर भविष्य के आसा बंधे लगे हे।
योजना ले लाभान्वित होए सहेली संघ स्व सहायता समूह धमतरी के सदस्य श्रीमती हेमा साहू ह बताइस कि ऊंखर संग श्रीमती ललिता साहू, श्रीमती राशि साहू, श्रीमती संतोषी साहू, श्रीमती रमा सेन, श्रीमती सविता, श्रीमती अनिता यादव संग उंखर समूह के आन महिला मन कलेक्टोरेट तीर कम्पोजिट भवन म कैंटिन के संचालन करथे। ए महिला मन ह राज्य सरकार के ए कल्याणकारी योजना के सराहना करत कहिन कि मध्यम अउ निम्न वर्ग के परिवार के महिला मन बर ये योजना आर्थिक मजबूती के आधार बन गए हे। ओ मन ए योजना ले मिलइया राशि के उपयोग ले आर्थिक रूप ले सशक्त बनत हें। योजना ले महिला मन निजी जरूरत, घरेलू जरूरत मन अउ दैनिक उपयोग के चीज मन के खरीदी अउ आन जरूरत मन के पूर्ति करे म सक्षम होए हें।
श्रीमती हेमा साहू ह बताइस कि वो एक गृहिणी हे अऊ ओ ल पाछू 4 महिना ले योजना के तहत राशि मिलत हे, जेखर उपयोग ओ ह घरेलू खरचा म करत हे। योजना लागू होए के पहिली ओ ल अपन घरेलू जरूरत मन के पूर्ति बर अपन पति उपर निर्भर रहना परत रहिस। अब हर एक महिना ए योजना के राशि वोखर खाता म जमा होए ले अब ओ ल छोटे-छोटे जरूरत के पूर्ति करे म कोनो प्रकार के कठिनाई नइ होवत हे। योजना ले मिलत राशि ले वो अपन लइका मन ल बेहतर शिक्षा दे पावत हे। संगेच भविष्य बर बचत घलोक करत हे। श्रीमती हेमा ह ये घलोक कहिस कि एखर से महिला मन म आत्मनिर्भरता अउ आत्मविश्वास के एक नवा उमंग के संचार होय हे। महिला मन ल आर्थिक संबलता प्रदान करके उमन ल आत्मनिर्भर बनाए बर श्रीमती हेमा अऊ उंखर समूह के महिला मन ह प्रदेश सरकार के मुखिया श्री विष्णु देव साय के प्रति आभार व्यक्त करत ओ मन ल हिरदे ले धन्यवाद देहे हें।
