विष्णु भैया के सुशासन ले ‘महतारी वंदन’ बनिस महिला मन के आत्मनिर्भरता के अधार

CHHATTISGARHI NEWS: गौरेला-पेंड्रा-मरवाही, छत्तीसगढ़ के मुख्यमंत्री श्री विष्णुदेव साय (‘विष्णु भैया’) के अगुवइ मां चलत ‘महतारी वंदन योजना’ ले प्रदेश के महिला मन के जिनगी मां आर्थिक संबल, आत्मविश्वास अउ सम्मान के नवा अंजोर आवत हे। ए योजना के नियमित आर्थिक सहायता ले महिला मन अब अपन परिवार के जरूरत मां सहयोग करे के संग स्वयं के निर्णय लेहे बर घलो सक्षम होवत हवंय।
जीपीएम (गौरेला-पेंड्रा-मरवाही) जिला के गौरेला विकासखंड अंतर्गत ग्राम पंचायत लालपुर के रहइया श्रीमती नीलम राठौर ह बताइन के ओमन ल योजना के 30वां किस्त के राशि बैंक खाता मां मिल चुके हे। नीलम के कहना हे के पहली छोट-मोट जरूरत बर घलो अगोरे बर परत रहिस, फेर अब नियमित पैसा मिले ले ओमन अपन अउ परिवार के जरूरत ल प्राथमिकता के संग पूरा करत हवंय। ए आर्थिक सहयोग ले उंकर भीतर आत्मनिर्भरता अउ निर्णय लेहे के आत्मविश्वास बाढ़े हे। ए सुघर पहल अउ आर्थिक सहारा बर नीलम ह ‘विष्णु भैया’ के आभार जताइन। ए योजना ह प्रदेश के लाखों महिला मन ल सशक्त अउ आत्मनिर्भर बनाए के दिशा मां एक महत्वपूर्ण कदम साबित होवत हे।