दवई अऊ पोसन के चिंता होइस कम, प्रेमलता शर्मा ह कहिस- ‘मोर विष्णु भैया’ ल धन्यवाद

कांकेर, जिला के अघन नगर के रहवइया श्रीमती प्रेमलता शर्मा बर महतारी वंदन योजना सिरिफ आर्थिक मदद नो हे, भलुक बुढ़ापा के सहारा बनके आए हे। उमन ल अब तक योजना के 30 किस्त मिल चुके हे, जेखर उपयोग ओ मन अपन पोसन अऊ दवई-गोली के जरूरत ल पूरा करे बर करत हें।
श्रीमती प्रेमलता शर्मा ह बताइन के ऊंखर परिवार म चार परानी हें। बड़का बेटा ज्योतिष अऊ छोटका बेटा मैकेनिक के काम करथे। ऊंखर पति घर म ही रहिथें। अइसन म महतारी वंदन योजना ले हर महीना मिलइया नियमित आर्थिक सहायता ऊंखर बर भारी उपयोगी साबित होवत हे।
उमन कहिन के योजना के राशि ले ओ मन अपन जरूरी दवई अऊ पोसन संबंधी खरचा ल पूरा कर लेथें। एखर से ओ मन ल आर्थिक रूप ले आत्मनिर्भर होए के संग जिनगी चलाए म संबल मिले हे। महतारी वंदन योजना सुरू करे बर छत्तीसगढ़ सरकार के आभार जतावत श्रीमती प्रेमलता ह मुख्यमंत्री श्री विष्णु देव साय ल मया म “मोर विष्णु भैया” कहत धन्यवाद दीन। उमन कहिन के सरकार के ए योजना ले बुढ़ापा म छोट-मोट खरचा बर कोनो दूसर उपर निर्भर नइ रहना परय।