कोरिया 17 फरवरी 2024। छत्तीसगढ़ के मुख्यमंत्री श्री विष्णुदेव साय ह प्रदेश के महिला मन के आर्थिक, सामाजिक स्थिति ल सुदृढ़ करे अउ स्वावलम्बी बनाए के दिशा म ‘महतारी वंदन योजना’ शुरू करे हें। प्रदेश म महिला मन के स्वास्थ्य अउ पोषण स्तर म सतत सुधार, कुटुंब म उंखर निर्णायक भूमिका सुदृढ़ करे बर समाज म महिला मन के प्रति भेदभाव, असमानता अउ जागरूकता के कमी ल दूर करे, अउ आर्थिक स्वावलंबन अउ सशक्तीकरण ल बढ़ावा देहे के उद्देश्य ले मंत्री परिषद ह छत्तीसगढ़ म ‘महतारी वंदन योजना’ लागू करे हे, जेखर तहत पात्र विवाहित महिला मन ल हर महीना एक हजार रुपीया के वित्तीय सहायता प्रदान करे जाही।
इही कड़ी म जिला प्रशासन कोरिया ह सरलग महतारी वंदन योजना बर पात्र महिला मन ले आवेदन जमा करे ल कहत हे जेखर कारण महिला मन म जबरदस्त उत्साह देखे ल मिलत हे। संबंधित विभाग ले मिले जानकारी के मुताबिक अब-तक 55 हजार 660 आवेदन प्राप्त हो गे हे, जेमां बैंकुण्ठपुर विकासखंड के अंतर्गत 40 हजार 184 अउ सोनहत विकासखण्ड के तहत 15 हजार 476 आवेदन प्राप्त होए हे। अइसनहे 31 हजार 255 आवेदन अपलोड तको हो गे हे।
कोरिया: महतारी वंदन योजना के तहत 55 हजार ले जादा आवेदन
