कोरिया जिला म महतारी वंदन योजना के शुरुआत होए ले महिला मन म जबर उछाह

कोरिया, 05 फरवरी 2024। जिला म महतारी वंदन योजना के तहत ऑनलाईन फॉर्म अऊ ऑफलाईन पंजीयन शुरू हो गए हे। इही कड़ी म कलेक्टर श्री विनय कुमार लगेंह ह ग्राम पंचायत चेरवापारा के शिविर के जांच करिन अऊ पंजीयन बर आए महिला मन ले बातचीत करके योजना के विस्तृत जानकारी साझा करिन। एखरे संग उमन फॉर्म भरे आए महिला मन लकोनो दिक्कत झन होवय एखर बर जिला कार्यक्रम अधिकारी महिला अऊ बाल विकास श्री रमेश साहू ल उचित व्यवस्था रखे के निर्देश दीन। ग्राम पंचायत चेरवापारा म भारी संख्या म महिला मन फॉर्म भरे आईन। मातृशक्ति ल बढ़ावा देवइया सरकार के ए योजना ले सबो म भारी उत्साह नजर आवत हे। शिविर म पहुंचे विमला ह बताइस कि ओ ह बेसब्री ले ए योजना के शुरुआत होए के अगोरा करत रहिस अऊ पहिली दिन ही ओ ह महतारी वंदन योजना के फॉर्म भरे आए हे, वो ह ये घलोक बताइस के ओ ह ए सहायता राशि ल अपन लइका मन के उज्ज्वल भविष्य म खर्च करना चाहथे। अइसनहे चेरवापारा निवासी अनुराधा ह बताइस के हर महिना मिलइया 1 हजार रुपिया ल ओ ह घर के निजी जरूरत म खरच करही।