महतारी वंदन योजना: सुदूर वनांचल ग्राम के महिला मन म खुशी के लहर

मुंगेली 14 फरवरी 2024। राज्य शासन के महिला सशक्तिकरण अऊ आर्थिक स्वावलंबन ल बढ़ावा देहे अउ स्वास्थ्य अउ पोषण स्तर म सुधार लाय ‘महतारी वंदन योजना’ शुरू करे गए हे, जेन ल लेके मैदानी क्षेत्र मन के संग सुदूर वनांचल गांव मन के महिला मन म खुशी के लहर हे। योजना के लाभ लेहे विकासखण्ड लोरमी के ग्राम बिजराकछार म एके दिन म 250 महिला मन ह आवेदन भरीन। कलेक्टर श्री राहुल देव के मार्गदर्शन म महिला मन के सुविधा ल ध्यान म रखत जिला के सबो ग्राम पंचायत अऊ आंगनबाड़ी केन्द्र के संग कार्यकर्ता मन घर-घर जाके योजना के जानकारी देके महिला मन ले आवेदन फार्म भरवाए जात हे। जिला के तीनों विकासखण्ड म अब तक 01 लाख 53 हजार 576 ले जादा महिला मन के आवेदन भरे गए हे। उहें 66 हजार ले जादा आवेदन के आनलाईन पोर्टल म एंट्री हारेवइया हे।
जानबा हे कि मुख्यमंत्री श्री विष्णुदेव साय के नेतृत्व म महतारी वंदन योजना लागू करे के निर्णय ले गए हे। योजना के तहत 05 फरवरी ले आवेदन लेहे के प्रक्रिया शुरू होए हे। आवेदन के आखरी तारीक 20 फरवरी तक निरधारित करे गए हे। योजना अंतर्गत पात्र विवाहित महिला मन ल हर महीना एक हजार रूपिया मने साल के 12 हजार रूपिया आर्थिक सहायता सीधा ऊंखर बैंक खाता म डीबीटी के माध्यम ले अंतरित करे जाही अउ कई ठन पेंशन योजना मन ले पेंशन लेवइया महिला मन ल एक हजार रूपिया ले कम पेंशन राशि प्राप्त होए ले शेष अंतर के राशि के भुगतान होही। योजना के लाभ लेहे बर आंगनबाड़ी केंद्र, ग्राम पंचायत सचिव, बाल विकास परियोजना कार्यालय, नगरीय क्षेत्र मन म वार्ड प्रभारी के लॉगिन आईडी या आवेदक खुदे ऑनलाइन पोर्टल https://www.mahtarivandan.cgstate.gov.in के माध्यम ले आवेदन कर सकहीं।