प्रधानमंत्री श्री नरेन्द्र मोदी के छत्तीसगढ़ म एक अऊ गारंटी पूरा
महिला सशक्तिकरण के दिशा म मील के पत्थर साबित होही महतारी वंदन योजना: मुख्यमंत्री श्री विष्णुदेव साय
21 साल के पात्र महिला ल मिलही लाभ
आंगनबाड़ी केन्द्र अऊ ग्राम पंचायत मन म लगही शिविर
रायपुर, 03 फरवरी 2024। छत्तीसगढ़ म प्रधानमंत्री श्री नरेन्द्र मोदी के एक अऊ गारंटी पूरा करे जात हे। मुख्यमंत्री श्री विष्णुदेव साय के अगुवई म राज्य म महतारी वंदन योजना के क्रियान्वयन बर सबो तैयारी पूरा कर लेहे गए हे। योजना म पात्र महिला मन ल 01 मार्च 2024 ले लाभ मिलना शुरू हो जाही। ए योजना के तहत 01 जनवरी 2024 ले 21 साल पूरा करइया महिला मन ल हर महिना एक हजार रूपिया के मान ले साल म 12 हजार रूपिया के राशि उंखर बैंक खाता म अंतरित करे जाही।
महतारी वंदन योजना बर महिला मन ले 05 ले 20 फरवरी ले आन लाइन आवेदन लेहे जाही। आवेदन आंगनबाड़ी केन्द्र, ग्राम पंचायत अउर बाल विकास परियोजना कार्यालय के लॉगिन आई.डी. ले करे जा सकत हे। नगरीय क्षेत्र के आवेदक वार्ड प्रभारी के लॉगिन आई.डी. ले आवेदन कर सकहीं।
पात्रता शर्त
महतारी वंदन योजना बर निरधारित पात्रता शर्त म महिला ल छत्तीसगढ़ के निवासी होना जरूरी हे। एखर अलावा जेन साल आवेदन करे जात हे ओ साल विवाहित महिला के आयु 01 जनवरी 2024 ले 21 साल ले कम नइ होनी चाही। योजना के अंतर्गत विधवा, तलाकसुदा, परित्यक्त महिला घलोक पात्र होहीं।
महतारी वंदन योजना के अंतर्गत हर एक पात्र महिला ल 1000 रूपिया के प्रतिमाह के मान ले साल म 12 हजार रूपिया के राशि डी.बी.टी. के माध्यम ले ऊंखर बैंक खाता म हस्तांतरण करे जाही। कई ठन पेंशन योजना मन के तहत लाभान्वित होवइया अइसन महिला जे मन ल प्रतिमाह 1000 रूपिया ले कम राशि मिलत हे, ओ मन ल योजना बर पात्र होए म अकतहा राशि स्वीकृत करे जाही, जेखर से ओ मन ल कम से कम 1000 रूपिया मासिक राशि प्राप्त हो सकही।
आनलाईन आवेदन बर पोर्टल अउर एप्प-
महतारी वंदन योजना बर आवेदन निःशुल्क होही। ए योजना बर ऑनलाइन भरे बर पोर्टल https://www.mahtarivandan.cgstate.gov.in म आवेदन करना होही। एखर अलावा योजना बर बनाय गए मोबाईल एप्प म घलोक आवेदन जमा करे जा सकत हे। योजना बर आवेदन 05 फरवरी ले लेहे जाही। आवेदन भरे के आखरी तारीक 20 फरवरी 2024 होही।
ये कागद जमा करे बर होही-
आवेदन करत समय हितग्राही मन ल खुद के सत्यापित करे गए पासपोर्ट साइज के फोटो, स्थानीय निवास प्रमाण पत्र, राशनकार्ड, मतदाता परिचय पत्र म ले कोनो घलोक एक, खुद अउ पति के आधार कार्ड, खुद अउ पति के पैन कार्ड (यदि हो तो), विवाह के प्रमाण पत्र, ग्राम पंचायत व स्थानीय निकायों से जारी प्रमाण पत्र, विधवा होए के स्थिति म पति के मृत्यु प्रमाण पत्र, परित्यक्ता होए के स्थिति म समाज से जारी वार्ड अथवा ग्राम पंचायत से जारी प्रमाण पत्र, जन्म प्रमाण पत्र बर 10 अथवा 12 के अंकसूची, स्थानांतरण प्रमाण पत्र, पैन कार्ड, परिचय पत्र, ड्राईविंग लाइंसेस म ले कोनो एक, बैंक खाते के विवरण अउ बैंक पासबुक के छायाप्रति अउ स्व-घोषणा अथवा शपथ पत्र जमा कराना होही।
राज्य स्तर म महिला बाल विकास नोडल विभाग-
महिला मन के सुविधा बर आंगनबाड़ी अऊ ग्राम पंचायत स्तर म विशेष शिविर के घलोक आयोजन करे जाही। ए योजना के क्रियान्वयन बर राज्य स्तर म नोडल विभाग महिला अउ बाल विकास ल बनाए गए हे। जिला स्तर म सबो जिला मन के कलेक्टर अऊ मुख्य कार्यपालन अधिकारी नोडल अधिकारी होही। शहरी क्षेत्र मन म आयुक्त नगर निगम अउ अउ मुख्य नगर पालिका अधिकारी सहायक नोडल अधिकारी होही।