रायपुर, महतारी वंदन योजना महिला मन के जिनगी म सकारात्मक बदलाव लाए के संग ओ मन ल आर्थिक रूप ले मजबूत बनावत हे। योजना के 30वां किस्त के राशि मिले म भारतीय नगर के रहवइया हितग्राही श्रीमती शकुन यादव ह खुशी जतावत मुख्यमंत्री विष्णु भैया के आभार मानिन।
उमन बताइन के हर महीना मिलइया 1000 रूपिया ले लइका मन के पढ़ई-लिखई, रोजमर्रा के सामान अऊ परिवार के जरूरत ल पूरा करे म भारी मदद मिलथे। रक्षाबंधन जइसे बड़े तिहार के पहिली खाता म पइसा आ जाए ले खुशी दुगुना हो गे हे। तिहार के बेरा मिले आर्थिक सहायता ले घर-परिवार के खरचा संभाले म भारी सहूलियत मिले हे। उमन कहिन के ए योजना ले महिला मन ल आर्थिक संबल मिलत हे अऊ ओ मन अपन जरूरत मन ल खुद पूरा करे म सक्षम होवत हें।
रक्षाबंधन ले पहिली मिलिस महतारी वंदन के सौगात, हितग्राही शकुन यादव ह मुख्यमंत्री ल कहिस धन्यवाद
