महतारी वंदन योजना ले महिला मन म बाढि़स आत्मसम्मान अऊ आत्मनिर्भरता

वनांचल ले लेके नगर तक के महिला मन ल मिलत हे लाभ, 
सशक्तिकरण कोति मजबूती के कदम
सुकमा, छत्तीसगढ़ म महिला मन के सशक्तिकरण के दिशा म एक ऐतिहासिक पहल बने महतारी वंदन योजना ह अब तक लाखों महिला मन के जीवन म नवा अंजोर ला देहे हे। मुख्यमंत्री श्री विष्णु देव साय के अगुवइ अऊ महिला अउ बाल विकास मंत्री श्रीमती लक्ष्मी राजवाड़े के बताए रद्दा म संचालित ये योजना न केवल आर्थिक सहारा बने हे, बल्कि महिला मन के आत्मनिर्भर अऊ आत्मसम्मान ले परिपूर्ण जीवन जीए के प्रेरणा घलोक देवत हे।
सुकमा जिला के दरिहा कोति के जगल के बीच के क्षेत्र छिंदगढ़ के निवासी श्रीमती शांति नाग ह बताइस के महतारी वंदन योजना ले मिले आर्थिक सहायता ह वोखर कठिन जीवन म स्थायित्व अऊ आशा के किरण जगाए हे। खेती अऊ मजदूरी के सहारे जीवन यापन करइया वोखर परिवार बर योजना के एक हजार रुपिया के मासिक सहायता उंखर जीवन म परिवर्तनकारी साबित होए हे। शांति नाग अब खुद ल आत्मनिर्भर अऊ सम्मानित नागरिक के रूप म महसूस करत हे।
श्रीमती नाग के बताती, पहिली रोजमर्रा के जरूरत मन ल पूरा करना घलोक चुनौती रहिस, फेर अब घरेलू खरचा म राहत मिले हे अऊ ओ अपन लइका मन के पढ़ाई अउ स्वास्थ्य जइसे जरूरी चीज म घलोक ध्यान दे पात हे।
छिंदगढ़ के ही आश्रित ग्राम पुजारीपाल के लाभार्थी महिला मन ह योजना म बनेच संतुष्टि जताईन। उमन कहिन के योजना ले मिले वित्तीय सहायता ह न सिरिफ ओ मन ल आर्थिक रूप ले सशक्त करे हे, बल्कि समाज म उंखर पहिचान ल घलोक मजबूत करे हे। आत्मविश्वास अऊ सामाजिक भागीदारी के भावना ले ओत-प्रोत ये महिला मन अब अपन परिवार के खुशहाली के दिशा म घलोक सक्रिय योगदान देवत हें।