अभियान के तहत जिला के कई ठन ग्राम पंचायत मन म वृहद स्तर म होइस वृक्षारोपण
अम्बिकापुर, 22 अगस्त 2024। प्रधानमंत्री श्री नरेंद्र मोदी के वृक्षारोपण ल बढ़ावा देहे के अभिनव पहल “एक पेड़ मां के नाम“ के तहत महात्मा गांधी राष्ट्रीय ग्रामीण रोजगार गारंटी योजना अंतर्गत जिला के ग्राम पंचायत मन म बिरसपतवार के वृक्षारोपण करे गीस। इही कड़ी म सरगवां पंचायत के शासकीय विद्यालय के परिसर म लुण्ड्रा विधायक श्री प्रबोध मिंज, कलेक्टर श्री विलास भोसकर, सीईओ जिला पंचायत श्री नूतन कंवर संग स्थानीय जनप्रतिनिधि, प्रशासनिक अधिकारी मन ह वृक्षारोपण करिन। ए बेरा म स्वसहायता समूह के महिला मन घलोक सामिल रहिन।
ए बेरा म विधायक श्री मिंज ह कहिन के जादा ले जादा वृक्षारोपण आज के समय के मांग हे। एखर से धरती के संतुलन प्रकृति के संग रहिही। उमन कहिन कि वनीय क्षेत्र ल बढ़ावा देहे के दिशा म प्रधानमंत्री श्री मोदी के आह्वान म पूरा देश म ये अभियान चलाय जात हे। उमन मनखे मन ले अपील करत कहिन के जादा ले जादा वृक्ष लगावव, तभे अवइया भविष्य सुरक्षित होही। वृक्ष लगाए के संगेच ही वृक्ष के संरक्षण घलोक जरूरी हे। प्रधानमंत्री ह वृक्षारोपण काम ल अपन मां या प्रियजन ले जोड़े के बात कहे हें, जेखर से वृक्ष ले हमर भावनात्मक जुड़ाव होही। वृक्षारोपण केवल सांकेतिक रूप ले न करके, एक वृहद अभियान के रूप म वृक्षारोपण करव।