संत महात्मा मन के संदेश अऊ विचार कोनो एक समाज बर नहीं भलुक पूरा मानव समाज बर होथे – मुख्यमंत्री श्री बघेल

पवित्र अनुरागी धाम, तीर्थ स्थल के रूप म होही विकसित
मुख्यमंत्री अखण्ड नवधा रामायण के समापन समारोह म होइन सामिल

रायपुर, मुख्यमंत्री श्री भुपेश बघेल ह कहिन कि भारत देश संत महात्मा मन के देश ये। संत महात्मा मन के विचार अऊ उपदेश मन म परोपकार के भावना होथे। संत महात्मा मन के संदेश अऊ विचार कोनो एक समाज बर नइ होवय, ये पूरा मानव समाज बर होथे। श्री बघेल आज मुंगेली जिला के विकासखण्ड पथरिया के ग्राम मोतिमपुर स्थित अनुरागी धाम म आयोजित अखंड नवधा रामायण के समापन समारोह ल संबोधित करत रहिन। एखर पहिली श्री बघेल ह यज्ञ स्थल म आहुति अऊ पूजा अर्चना करके प्रदेश के जनता के खुशहाली बर आशीर्वाद मांगिन अऊ अनुरागी धाम समिति कोति ले आयोजित अखण्ड नवधा रामायण के समापन कार्यक्रम म सामिल होइन। मुख्यमंत्री श्री बघेल ह अनुरागी धाम म बने भव्य उद्यान के घलव अवलोकन करिन। कार्यक्रम म मुख्यमंत्री श्री बघेल के श्री के.के. श्रीवास्तव अऊ ऊंखर परिवार कोति ले महा माला पहिनाके अऊ सुआ नृतक दल के महिला मन ह सुआ नृत्य करके भव्य स्वागत करिन। मुख्यमंत्री ह सुआ नृतक दल के महिला मन के संग फोटो खींचाके उंखर उत्साहवर्धन करिन।

लउछरहा..