रइपुर, 05 अगस्त 2021 बिरस्पत। मुख्यमंत्री दाउ भूपेश बघेल ह पूर्व मंत्री अउ लोकप्रिय नेता शहीद श्री महेंद्र कर्मा के जयंती म उन्कर फोटू म माल्यार्पण करके उन ल श्रद्धांजलि अर्पित करीन। दाउ बघेल ह उन ल सुरता करत कहीन कि श्री महेन्द्र कर्मा ल बस्तर टाइगर काहय, बस्तर के विकास अउ संगठन के बूता म उन मन बड़का योगदान दीन। छत्तीसगढ़ विधानसभा म प्रतिपक्ष के नेता अउ मंत्री के रूप उनमन बड़का जिम्मेदारी संभालीन अउ छत्तीसगढ़ के विकास म अपन अमूल्य योगदान दीन। उन्कर योगदान ल कभू भी भुलाय नई जा सकय। दाउ बघेल ह कहीन कि उन्कर विचार हमन ल सरीदिन प्रेरित करत रहिही। श्री महेन्द्र कर्मा के सुरता ल चिरस्थाई बनाए बर छत्तीसगढ़ सरकार ह बस्तर विश्वविद्यालय के नामकरण उन्कर नाम म करीन अउ उन्कर नाम म प्रदेश के तेंदूपत्ता संग्राहक परिवार मन बर ‘शहीद महेंद्र कर्मा तेंदूपत्ता संग्राहक समाजिक सुरक्षा योजना‘ प्रारंभ करे हवयं।
