बाल हितैषी पुलिस थाना विकसित करे बर प्रशिक्षक मन के प्रशिक्षण
विसय म दू दिवसीय कार्यशाला के शुभारंभ
रायपुर, पुलिस महानिदेशक श्री डी.एम.अवस्थी के विशेष आतिथ्य म पुलिस मुख्यालय कोति ले यूनिसेफ के सहयोग ले बाल हितैषी पुलिस थाना विकसित करे बर प्रशिक्षक मन के प्रशिक्षण विसय म दू दिवसीय कार्यशाला के शुभारंभ आज स्थानीय न्यू सर्किट हाउस स्थित सभा कक्ष म होइस। पुलिस महानिदेशक श्री अवस्थी ह प्रदेश के सबो जिला मन ले आए नोडल पुलिस अधिकारी मन ल संबोधित करत कहिन कि केवल थाना ही नइ, बल्कि हर एक पुलिस अधिकारी-कर्मचारी ल बाल हितैषी अऊ महिला हितैषी होना जरूरी हे, तभे हम विश्वसनीय पुलिस के कल्पना साकार कर सकत हवन। उमन कहिन कि सभ्य समाज म जब हर एक महिला अऊ हर एक लइका पुलिस ल अपन मित्र समझे लगही त सम्भवतः ए प्रकार के कार्यशाला के आयोजन के जरूरत नइ होतिस।
