महिला मन के हुनर ह ही बनत हे उकर पहिचान

रायुपर, 23 सितम्बर 2023
महिला बाल विकास विभाग के सक्षम योजना के माध्यम से अपन मनपसंद काम ब लोन पा के दुर्ग निवासी श्रीमती कमलेश्वरी बाई अउ लक्ष्मी अपन कैरियर बनात हे। विगत दिवस महिला समृद्धि सम्मेलन में महिला मन ल अपन खुद के रोजगार स्थापित करे ब चेक दिए गय रहिस हे। छत्तीसगढ़ शासन द्वारा युवा मन के कला, कौशल अउ प्रशिक्षण ब सरलग प्रयास करे जाथ हे। श्रीमती कमलेश्वरी बाई ह बताइस के योजना के तहत तेल पेराई मशीन लगाए ब 6 लाख के लोन स्वीकृत होइस हे। दुर्ग के लक्ष्मी बघेल ल घलो अपन स्वयं के ब्यूटी पार्लर सुरू करे ब 2 लाख के चेक दिए गए हे।  सक्षम योजना के लाभ लेके आज महिला मन अपन सपना पूरा करत हे।  दुर्ग अंचल के बेटी मन ह अब अपन हुनर ल हौसला के संगस्वरोजगार में बदले के ठाने हावय।
लक्ष्मी ह बताइस कि बचपन ले मोला सजे संवरे के अबड़ सउक रहिस हे अउ संग दूसर मन ल घलो सजाए ह मोला बने लागय। अपन हुनर अउ सउक ल पहिचान देहे ब मैं ह महिला बाल विकास विभाग से सम्पर्क करके सक्षम योजना के जानकारी लियेंव। विभाग ह प्रशिक्षण के घलो व्यवस्था करवाईस मोला ए काम करे ह अबड़ पसंद हे । सक्षम योजना की बारे में सुनेव त मोला लगिस कि ए हर ही सही मौका हे स्वरोजगार हासिल करे के।
छत्तीसगढ़ महिला कोष के ऋण योजना के तहत स्व सहायता समूह के महिला मन के लोन में वृद्धि करत हुए एकर सीमा 6 लाख तक करे गईस हे। महिला मन ल 3 प्रतिशत के साधारण वार्षिक ब्याज दर म ऋण उपलब्ध कराय जाथे। सक्षम योजना के तहत गरीबी रेखा से नीचे जीवन यापन करे वाली महिला चाहे विधवा, परित्यकता, अविवाहित महिला मन ल लाभ दिए जाथे।