गोबर ले 24.46 लाख कुंटल कम्पोस्ट खाद के उत्पादन-समूह मन ल 85 करोड़ 9 लाख के आय

गौठान म महिला समूह मन कोति ले 18.90 लाख क्विंटल वर्मी कम्पोस्ट अऊ 5.37 लाख क्विंटल ले जादा सुपर कम्पोस्ट अउ 18,924 क्विंटल सुपर कम्पोस्ट प्लस खाद के निर्माण करे जा चुके हे, जेन ल सोसायटि के माध्यम ले 10 रूपिया, 6 रूपिया अऊ 6.50 रूपिया प्रतिकिलो के दर म विक्रय करे जात हे। महिला समूह गोबर ले खाद के अलावा गो-कास्ट, दीया, अगरबत्ती, मूर्तियां अउ आन सामान के निर्माण अउ विक्रय करके लाभ अर्जित करत हे। गौठान मन म महिला समूह मन एखर अलावा सब्जी अउ मशरूम के उत्पादन, मुर्गी, बकरी, मछली पालन अउ पशुपालन के संगे-संग आन आय मूलक गतिविधि मन के संचालन करे जात हे, जेखर से महिला समूह मन ल अब तक 85 करोड़ 9 लाख रूपिया के आय होए हे। राज्य म गौठान मन ले 11,187 महिला स्व-सहायता समूह सीधा जुड़े हें, जेकर सदस्य संख्या 83,874 हे। गौठान मन म क्रय गोबर ले विद्युत उत्पादन के शुरुआत होवईया हे।