समूह के महिला मन ह कई उत्पाद के बिक्री बर रवाना होइन भोपाल

सूरजपुर के कई उत्पाद मन के करहीं भोपाल के सरस मेला म बिक्री
सूरजपुर, राष्ट्रीय ग्रामीण आजीविका मिशन अंतर्गत जिला सूरजपुर म कलेक्टर श्री दीपक सोनी के कुशल मार्गदर्शन म महिला स्व-सहायता समूह से कई उत्पादन इकाई अउ कुटीर उद्योग चालू करे गए हे। महिला मन चैन, कड़ी, फेंसिंग, आरसीसी पोल, पेवर ब्लॉक, मशरूम उत्पादन, मोरिंगा उत्पादन, लाख के चूड़ी, मसाला उद्योग, अचार, पापड़, साबुन, निमाइल, गोबर के दीया, मूर्ति अउ गमला, ई-रिक्शा परिचालन, बोर्ड परिचालन, ट्राइबल मार्ट अउ किराना दुकान जइसे कई गतिविधि मन के संचालन करे जात हे ए गतिविधि मन ले जिला के हजार ले जादा महिला मन लाभान्वित होवत हे। इंखर 1 साल ले घलोक कम समय म ए गतिविधि मन से समूह के महिला मन ह 3.5 करोड़ रूपिया ले जादा के व्यवसाय करे डारें हे। पाछू महिना राज्य मुख्यालय रायपुर म आयोजित आदिवासी नृत्य महोत्सव समारोह म समूह के ये महिला मन जिला के कई उत्पाद के विक्रय तको करिन अउ एकर भरपूर मांग ल देखत उत्साहित होइन। भोपाल म आयोजित होवइया सरस मेला 15 ले 27 जनवरी 2020 बर घलोक जनपद पंचायत सूरजपुर के ग्राम शिवनंदनपुर के शिव शक्ति स्व-सहायता समूह के श्रीमती नीलू तिर्की, ग्राम शिवनंदनपुर के शिवगुरु स्व-सहायता समूह के श्रीमती गिरजा सिंह अउ ग्राम कुंजनगर के श्रीमती सावित्री राजवाड़े के संग कई ठन उत्पाद जइसे मोरिंगा पाउडर, मोरिंगा बेकरी, हस्त निर्मित साबुन, निमाइल, अगरबत्ती, लाख के चूड़ी, गोबर ले बने गमला, सुगंधित चावल के बिक्री करे अउ देश भर के 20 राज्य मन के कई जिला मन ले भोपाल अवैया स्व-सहायता समूह के कई उत्पाद मन ल देखे अउ सीखने बर 14 जनवरी 2020 के बिश्रामपुर रेलवे स्टेशन ले भोपाल बर रवाना होइन हें।