बेमेतरा 05 अप्रैल 2021 सम्मार। प्रदेश सरकार के फ्लैगशिप योजना नरवा, गरूवा, घुरवा अउ बाडी के क्रियान्वयन साजा विकासखण्ड क्षेत्र म प्रथम फेस म 19 अउ दूसरइया फेस म 30 पंचायत मन के चिन्हांकन कर छ.ग. शासन के निर्देशानुसार गौठान निर्माण के संगे-संग नरवा, गरूवा, घुरवा अउ बाड़ी विकास के कार्य मन ल संपादित कराये बर प्रस्तावित करके कार्य पूर्ण कराये गे हे। जिला पंचायत सीईओ श्रीमती रीता यादव ह बताइन कि शासन के मंशानुरूप प्रथम फेस के स्वीकृत सबो गौठान मन म कार्य पूर्ण कराके स्वयं सहायता समूह के माइलोगन अउ गौठान समिति के माध्यम ले कतकोन अकन आर्थिक गतिविधि संचालित होवत हावय जेमा मुख्य रूप ले गोधन न्याय योजना के क्रियान्वयन ले पशुपालक मन के माध्यम ले गौठान समिति डाहर ले गोबर खरीदी करके
आर्थिक लाभ के संगे —संग, गौठान स्थल म मशरूम उत्पादन, सब्जी उत्पादन, फलोंउद्यान, मत्स्य पालन, मौसमी तिहार बर आवश्यक सामग्री के निर्माण, कोरोना काल म फुडकीट तैयार करना, अगरबत्ती, पेन, कीटनाशक, बैग, तार-जाली, गोबर ले आनी —बानी के उत्पाद निर्माण जइसे:-दीया, लकड़ी, खाद, गमला, आदि।
जानबा होवय कि ग्राम पंचायत ठेलका जनपद पंचायत साजा मुख्यालय ले 8 किमी के दूरिहा म स्थित हवय । इहां गौठान निर्माण करके गांव के जम्मो पशु मन ल गौठान के भीतरेच म सुनियोतजत तरीका ले रखे ले फसल के नुकसानी म कमी आए हे
। गांव के गौठान म पशु मन बर समुचित पेयजल प्रबंधन बर पानी टंकी के निर्माण, छाया व्यवस्था बर शेड के निर्माण, पशु मन बर ग्रामीण जनो के सहयोग ले चारा के संकलन, कोटना के निर्माण चिखला आदि के बचाव बर भूमि विकास कार्य, सीपीटी निर्माण कार्य, गोबर गैंस संयंत्र, वर्मी शेड, मत्स्य पालन बर तालाब निर्माण, पशुशेड, वर्मी तियारी खातिर शेड, कचरा प्रबंधन शेड आदि के निर्माण कराए गे हे। संग म ग्राम पंचायत म लगभग 5 एकड़ भूमि म पशु मन बर चारागाह के विकास ग्राम पंचायत कोति ले कराए गे हवय । जेमा मक्का, ज्वार के संगे —संग नेपियर घास तको रोपित करे गेहे रिहिसे।
संग म चारागाह बर चिन्हांकित भूमि म गांव के स्व-सहायता समूह के माइलोगन मन डाहर ले सब्जी-भाजी उत्पाादन कर आर्थिक गतिविधि संचालित करे जावत हे। मां शक्ति महिला स्व-सहायता समूह कोति ले लगभग 2 एकड़ रकबा म सब्जी के खेती करके एकेच सीजन म लगभग 0.75 लाख रूपिया के लाभ कमाए जा चुके हवय। स्व-सहायता समूह के माइलोगन मन डाहर ले ये भूमि म आनी —बानी के फसल जइसन कि- राहेर, हरदी, जिमीकांदा, गोभी, भाजी, प्याज आदि फसल तको लगाए गे हवय।
गौठान समिति के माध्यम ले अबतक 1406.66 कोंटल गोबर खरीदे जाके 110.20 कोंटल वर्मी खाद उडान स्वयं सहायता समूह के माध्यम ले तियार करे जा चुके हे अउ लगभग 80 कोंटल खाद बेचे जा चुके हवय।
ग्राम पंचायत ठेलका, स्वयं सहायता समूह कोति ले संचालित आर्थिक गतिविधि:-
जागृति स्वयं सहायता समूह डाहर ले साबुन निर्माण अउ कीटनाशक, बंशी स्वयं सहायता समूह डाहर ले दोना पत्तल निर्माण/वर्मी खाद बोरी, माॅं शक्ति स्वयं सहायता समूह डाहर ले बाड़ी विकास कार्य, उडान स्वयं सहायता समूह कोति ले वर्मी खाद/कीटनाशक निर्माण अउ मुर्गी पालन, मशरूम उत्पादन करे जावत हे। जय मां कर्मा स्वयं सहायता समूह डाहर ले गोबर का धूप, अगरबत्ती, मछली पालन अउ गुलाल निर्माण, शिव पार्वती स्वयं सहायता समूह डाहर ले स्वच्छता संबंधी काम करे जावत हे। स्व-सहायता समूह के माइलोगन मन डाहर ले शासकीय कार्यालय, ग्राम पंचायत हाट बाजार आदि म समय-समय म स्टाॅल/प्रदर्शनी आयोजित करके सामग्री विक्रय बर प्रदर्शनी के संगे —संग प्रचार प्रसार करे जावत हे। स्वयं सहायता समूह के माइलोगन मन ल ये गतिविधि मन ले अब तक लगभग 2.50 लाख रूपिया ले अधिक के लाभ मिल चुके हावय।