महिला मन ल आत्मनिर्भर बनाए खातिर गांव मन म बनही महतारी सदन- उपमुख्यमंत्री श्री विजय शर्मा

179 महतारी सदन के मिलीस स्वीकृति, 25 सौ वर्गफुट म बनही महतारी सदन
रायपुर, प्रदेश के हर एक ग्राम पंचायत म ग्रामीण महिला मन ल स्वावलंबी अउ आत्मनिर्भर बनाए अउ आपसी समरसता स्थापित करे सामायिक कार्यक्रम म सामूहिक भागीदारी अउ महिला सशक्तिकरण के उद्देश्य ले उपमुख्यमंत्री श्री विजय शर्मा के निर्देशानुसार महतारी सदन के निर्माण के काम होवइया हे। उपमुख्यमंत्री श्री विजय शर्मा के प्रयास ले 179 महतारी सदन के स्वीकृति आदेश जारी करे गए हे। उपमुख्यमंत्री श्री विजय शर्मा ह कहिन के न्यू इंडिया के ग्रोथ साइकल म महिला मन के भागीदारी सरलग बाढ़त हे। प्रधानमंत्री श्री नरेंद्र मोदी के आत्मनिर्भर भारत अभियान महिला मन के क्षमता ल देश के विकास के संग जोड़त हे। प्रदेश के ग्राम पंचायत मन म बनइया महतारी सदन घलोक इही दिशा म एक प्रयास हे। उमन कहिन के सरलग ग्राम भ्रमण के समय महिला मन के बइठे के जगा नइ होए के शिकायत करे रहिन अऊ बइठे बर जगा के मांग होए रहिस ते पाए के महतारी सदन बनाए के विचार आइस।
एकर पाछू महिला मन ल रोजगार देवाए अऊ उनला काम काज बर जगा देवाए बर प्रदेश सरकार गांव मन म महतारी सदन बनवइया हे। 179 महतारी सदन के स्वीकृति इही उद्देश्य के पूर्ति बर जारी करे गए हे। काम मन म एकरूपता के दृष्टिकोण ले पंचायत अउ ग्रामीण विकास विभाग ह काम के एक मानक डिजाईन अउ प्राक्कलन तैयार करे हे। प्रति महतारी सदन के लागत राशि रुपये 29.20 लाख होही। ओ काम महतारी सदन योजना के बजट ले 24.70 लाख अउ स्वच्छ भारत मिशन के बजट ले 4.50 लाख के अभिसरण ले करे जाही। ए प्रकार ले 179 महतारी सदन बर 52 करोड़ 20 लाख रुपये स्वीकृत होए हे।