सक्ती, 20 जुलाई 2024। मुख्यमंत्री श्री विष्णु देव साय के अगुवई म छत्तीसगढ़ सरकार के संग राज्य म लागू करे गए महतारी वंदन योजना राज्य के महिला मन ल आर्थिक रूप ले संबल बनावत हे। ये योजना प्रदेश म महिला सशक्तिकरण के दिशा म बहुत महत्वपूर्ण भूमिका निभावत हे। ए योजना के सराहना बहुत झन जरूरतमंद महिला मन के अलावा आंगनबाड़ी केन्द्र के कर्मचारी मन ह घलोक मुक्त कंठ ले एखर प्रशंसा करत हें। जिला म महिला मन कोति ले मुख्यमंत्री श्री विष्णुदेव साय के अगुवई वाले छत्तीसगढ़ सरकार के प्रति विनम्र आभार व्यक्त करत ओ मन ल हृदय ले आभार व्यक्त करे गए हे। सक्ती जिला के ग्राम अड़भार के रहइया श्रीमती ममता रात्रे ह मिलइया राशि ल जरूरतमंद महिला मन बर मुश्किल वक्त के सहारा बताइस। वो ह कहिस के समाज के नीचले अउ मध्यम वर्ग के बहुत अकन महिला मन जे मन अपन जरूरी अउ बहुत अकन छोटे-बड़े जरूरत मन बर परेशान होना परत रहिस। ओ मन ल प्रदेश सरकार के महत्वाकांक्षी महतारी वंदन योजना लागू हो जाय ले हर महीना 1000 रुपिया खाता म जमा होए ले बहुत सुविधा होवत हे अऊ अब महिला मन ल अपन छोटे-बड़े जरूरत मन के पूर्ति बर आसानी ले पइसा उपलब्ध होवत हे।
श्रीमती ममता रात्रे के बताती वोखर पति के नाम श्री सतीष रात्रे हे अऊ ओ खेती किसानी करथेl वो ह बताइस के वो ह फरवरी 2024 म महतारी वंदन योजना के फॉर्म आंगनबाड़ी केंद्र अड़भार 3 म भरे रहिसl जेखर पाछू हर महीना एक-एक हजार रुपए के किस्त मिलत हेl जेखर उपयोग वो ह अपन घर के सामान्य खर्च अउ अपन लइका मन के पढाई लिखाई बर करत हे जेन वो ल सशक्त अऊ मजबूत बनाए म सहयोगी सिद्ध होवत हे वो ह प्रसन्नचित होके मुख्यमंत्री श्री विष्णु देव साय ल ए योजना के लाभ देवाए बर धन्यवाद देहे हेl
