कोरबा, अपन घर के परछी म जोंधरी के बीज निकालत रामबाई खुश हे कि ए पइत दशहरा-दीपावली के तिहार के समय बहुत जादा आर्थिक समस्या ले नइ जूझना परही। कोरबा शहर ले लगभग सौ किलोमीटर दूर जंगल अऊ पहाड़ी इलाका म रहइया रामबाई बर जीवनयापन कोनो जद्दोजहद ले कम नइ हे। वो बताथे के जब ले मुख्यमंत्री श्री विष्णुदेव साय ह महतारी वंदन योजना शुरू करे हे तब ले ओ ल अपन खाता म हर महिना एक हजार रुपिया आए के गारण्टी मिल गए हे। ओखर कहना हे कि वो अवइया दशहरा-दीपावली ल बीते बरस के तुलना म बहुत अच्छा मनाही।
कोरबा जिला के पोड़ी उपरोड़ा ब्लॉक म दूरस्थ क्षेत्र ग्राम जजगी म रहइया रामबाई आयाम बताथे के ए पइत बरसात बने हसेए हे फेर पहाड़ी इलाका मन म पानी जादा बेर तक नहीं रूकय। ए इलाका मन म मक्का के फसल लेना होथे। वो ह अपन बारी म मक्का के फसल ले रहिस, अब मौसम के संग मक्का ल तोड़के बीज अलग करत हे। रामबाई ह बताइस के वोखर क्षेत्र म धान के फसल बहुत बड़ चुनौती हे। कई पइत मौसम दगा दे जाथे। बारिश नइ होए म घलोक खेत म ही फसल सूख जाथे। अइसन म ज्यादातर ग्रामीण मक्का संग कम पानी म पैदा होवइया फसल उपर ध्यान देवत हे अऊ जीविकोपार्जन बर बकरी संग आन पशु के पालन करत हें। रामबाई ह बताइस के वोखर गाँव म अधिकांश गरीब परिवार निवास करथे। गांव के ज्यादातर महिला मन जीवकोपार्जन बर बहुत जद्दोजहद करत घर चलाथें, ओ मन ल दिन भर कुछ नइ कुछ मेहनत करना परथे। अइसन म जब महतारी वंदन योजना के शुरूआत होइस त कुछ महिला मन ल भरोसा नइ रहिस के हर महिना ऊंखर खाता म एक हजार आही। अब 7 महीना हो गे हे अऊ एक हजार रुपिया यरलग खाता म आवत हे त उंखर भरोसा अऊ विश्वास छत्तीसगढ़ सरकार के प्रति बाढ़त जात हे। रामबाई ह बताइस के अवइया समय म दशहरा-दीपावली हे। ए बेरा म मिलइया एक हजार के राशि ऊंखर जइसे बहुत अकन जरूरतमंद महिला मन बर खुसी के संग तिहार मनाए म मददगार साबित होही। ए राशि ले ओ मन कुछ कपड़ा, मिठाई संग आन जरूरी सामान अवश्य खरीद पाहीं।
पहाड़ी क्षेत्र के रामबाई बर महतारी वंदन योजना के राशि कोनो संजीवनी ले कम नइ हे
